ចាងហ្វាងការផ្សាយ គឹម មនោ Tel: 017 78 67 88 និពន្ធនាយក នាង សុផល​ / ការិយាល័យនិពន្ធ ៖ Tel: 085 23 77 23 | 016 75 69 87
ព័ត៌មាន​ថ្មី
- សម្តេច​តេជោ ហ៊ុន សែន អញ្ជើញ​ដឹកនាំ​គណៈប្រតិភូ​ជាន់ខ្ពស់​កម្ពុជា ទៅ​បំពេញ​ទស្សនកិច្ច​នៅ​ប្រទេស​ចំនួន​បី​នៅ​តំបន់​អឺរ៉ុប​ - ករណី​រំលោភ​យក​ដី​ផ្លូវ​សង់​សំណង់​រឹងមាំ​របស់​ជនខិលខូច​អាជ្ញាធរ​ក្រុង​ប៉ោយប៉ែ​ត​មិន​ចាត់ការ​តាម​ផ្លូវច្បាប់​ទើប​បញ្ហារ​ទំនាស់​នៅតែ​កើតមាន​រហូត​...!! - ឯកឧត្តម​អគ្គ​បិណ្ឌ​ត​សភា​ចារ្យ អូន ពន្ធ័មុនីរ័ត្ន​បានរៀបចំ​ពិធី​ដាំ​ដើម​ក្រវ៉ាន់​និមិត្តរូប​ចំនួន​៥០០​ដើម ​នៅមុខ​ប្រាសាទ​អង្គ​វត្ត​...!! - រដ្ឋបាល​ខណ្ឌដូនពេញ ត្រូវ​បាន​ពិនិត្យ​និង​វាយតម្លៃ​ជា​បេក្ខភាព​ក្នុង​ការប្រឡងប្រណាំង​ទីក្រុង​ទេសចរណ៍​ស្អាត​អាស៊ាន​លើ​ក​ទី​២..!! - សម្តេច​អគ្គមហាសេនាបតី​តេជោ ហ៊ុន សែន អញ្ជើញ​ទៅ​បំពេញ​ទស្សនកិច្ច​នៅ​ប្រទេស​វៀតណាម - សម្ដេច​តេជោ ហ៊ុន សែន និង​សម្តេច​កិតិ្ត​ព្រឹទ្ធ​បណ្ឌិត អញ្ជើញ​កាន់បិណ្ឌ​ទី​៩​នៅ​វត្ត​ចំពុះក្អែក​ - លោក​ឃួង ស្រេង​ណែនាំ​ឲ្យកម្លាំង​សមត្ថកិច្ច​និង​អាជ្ញាធរ​ដែនដី​គ្រប់​ខណ្ឌ​សង្កាត់​ត្រូវ​ពង្រឹង​ការរៀបចំ​ការពារ​សន្តិ​សុខ​សណ្តាប់ធ្នាប់​នៅ​គ្រប់​វត្ត​អារាម​ទូទាំង​រាជធានី​ភ្នំពេញ​...!! - បទល្មើសរ​បាំង​លប​ក្នុង​និង​ក្រៅ​តំបន់​អភិរក្ស​រដូវ​បិទ​នេសាទ​កក្រើក​ផ្ទៃ​ទឹក​ឃុំ​ផ្លូវ​ទូក​ស្រុក​កំពង់លែង​ខេត្ត​កំពង់ឆ្នាំង​ - អនុមោទនា​បុណ្យ​គឺជា​ថ្ងៃ​កាន់បិណ្ឌ​ទី​១ - ឯកឧត្តម ឃួ​ង ស្រេង ប្រធាន​គណៈកម្មាធិការ​សាខា​កា​បាទ​ក្រហម​កម្ពុជា​រាជធានី​ភ្នំពេញ ចុះ​តាមដាន​ស្ថានភាព​នៃ​ការបាក់​ច្រាំងទន្លេ​នៅ ភូមិសាស្ត្រ​សង្កាត់​កោះ​ដាច់ និង​សង្កាត់​ព្រែកលាប​

មេ​កាំកុងត្រូល​ច្រក​ភ្នំ​ដី ខេត្ត​បាត់ដំបង​លោក​ហាស់ សារ៉ន ត្រូវ​ឈ្មួញ​ជះ​លុយ​បិត​ភ្នែក ត្រចៀក ច្រមុះ ឱ្យ​ធ្វើ​មិនដឹងមិនឮ​..!

បាត់ដំបង ៖ តាម​សេចក្ដីរាយការណ៍​ពី​ប្រជាពលរដ្ឋ​នៅ តាម​ច្រក​អន្តរជាតិ​គីឡូ​១៣ ហៅ​ភ្នំ​ដី ដែល​ស្ថិត​ក្នុងស្រុក​សំពៅ​លូន ខេត្ត​បាត់ដំបង បានឲ្យដឹងថា ជា​រៀងរាល់ថ្ងៃ​មាន​ឈ្មួញ​បាន​នាំ​ទំនិញ​ចេញ ចូល​នូវ​ទំនិញ​ខូច​គុណភាព​គ្រប់​ប្រភេទ មក​ក្នុង​ទឹកដី​កម្ពុជា​ដើម្បី​មក​លក់​គ្មាន​ញញើត​អ្នកណា​ឡើយ​។​

​តាម​សេចក្តីរាយការណ៍​មក​ថា នៅ​ច្រក​អន្តរជាតិ​គីឡូ​១៣ ហៅ​ភ្នំ​ដី​នេះ​មាន ឡាន​ដឹក​ទំនិញ​ជាច្រើន​កំពុង​ចរាចរណ៍​ជា​រៀងរាល់​ថ្ងៃ​យ៉ាង​រលូន ដែល​គេ​សង្ស័យ​ថា​លោក ហាស់ សារ៉ន ជា​ប្រធាន​កាំកុងត្រូល​ប្រចាំ​ខេត្ដ​បាត់ដំបង និង​លោក ពេជ្រ ប្រាថ្នា ជា​អនុប្រធាន​ការិយាល័យ​ប្រចាំការ​ច្រក​អន្តរជាតិ​គីឡូ​១៣ ហៅ​ភ្នំ​ដី បាន​បើកដៃ​អោយ​ឈ្មួញ​ទាំងអស់នោះ​ចូល​មក​ដោយ​មន្ត្រី​កាំកុងត្រូល​ច​គ្រាន់តែ​រាប់​ក្បាល​ឡាន​យក​លុយ​ពី​ឈ្មួញ​ទំនិញ​តែប៉ុណ្ណោះ ដោយ​គ្មាន​ការត្រួតពិនិត្យ​ឡើយ​។

​ដែល​សកម្មភាព​នេះ​ត្រូវ​ក្រុម​មន្ត្រី និង​ពលរដ្ឋ​នៅ​ទីនោះ​លើកឡើងថា មេ​កាំកុងត្រូល​ខេត្ត និង​មេ​កាំកុងត្រូល​ច្រក​ភ្នំ​ដី ត្រូវ​ឈ្មួញ​យក​ដុល្លារ​បិតបាំង​ភ្នែក ត្រចៀក ច្រមុះ អស់ហើយ ។​

​បើ​តាម​មន្ត្រី​ក៏​ដូច​ប្រជាពលរដ្ឋ​នៅ​ទីនោះ​បាន​បង្ហើប​ឱ្យដឹងថា ឈ្មួញ​ទាំងអស់​នោះ​បាន​បង់លុយ​ប្រចាំថ្ងៃ និង​ប្រចាំខែ​ទៀតផង ដើម្បី​ងាយស្រួល​ដឹកជញ្ជូន​ទំនិញ​គ្រប់​ប្រភេទ ចូល​បាន​យ៉ាង​រលូន ហើយ​មិន​ដែល​ឃើញ​មន្ត្រី​នៅ​ប្រចាំ​ច្រក​អន្តរជាតិ​គី​ឡូ​១៣ ហៅ​ភ្នំ​ដី ត្រួតពិនិត្យ​នោះ​ឡើយ​គឺ​ពួកគាត់​គិតតែ​ពី​ដើរ​រាប់​ក្បាល​ឡាន និង​រ៉ឺម៉ក់​យក​លុយ​តែ​ម្ដង បើ​អ្នកណា​មិន​ឲ្យ​លុយ​គឺ​ឃាត់ទុក តែបើ​ឲ្យ​គឺ​បើកភ្លើង​ខៀវ​តែ​ម្ដង ហើយ​មិនដឹងថា​ទំនិញ​នាំចូល​នោះ​ល្អ ឬ​ខូចគុណភាព​នោះឡើយ​។​

​បើ​តាម​ភ្នាក់ងារ​យក​ព័ត៌មាន​របស់​អង្គភាព​សារព័ត៌មាន​រស្មី​គោកធ្លក បាន​ចុះ​ទៅ​យក​ព័ត៌មាន​ផ្ទាល់​នៅ​ច្រក​អន្តរជាតិ​គីឡូ​១៣ ហៅ​ភ្នំ​ដី​កាលពី​ថ្ងៃ​ទី​៤ ខែ​មករា ឆ្នាំ​២០១៩ ឃើញ ថា​មាន​ករណី​ដឹក​ទំនិញ​ចេញ​ខុស​ប្រក្រតី​ជា​ច្រើន​មែន ដោយសារតែ​មាន​ការឃុបឃិត​របស់​សមត្ថកិច្ច​នៅ​ច្រកទ្វារ​នោះ​។ ហើយក៏​មាន​ការប៉ះទង្គិច​គ្នា​ជាមួយ​កម្មករ​អូស​រទេះ និង​ឈ្មួញ​ដែល​ជា​ម្ចាស់​ទំនិញ​ដែល​ត្រូវបាន​គេ​ស្គាល់​ឈ្មោះ​ថា ចាន់ ដែល​ជា​ឈ្មួញ​ជើង​ខ្លាំង​។ ហើយ​រាល់​ទំនិញ​របស់​ឈ្មោះ ចាន់ នេះ​នឹង​ដឹក​ចេញ​ចែកចាយ​ក្នុង​ខេត្ត​បាត់ដំបង និង​ដឹក​ទៅ​ខេត្ត​ពោធិ៍សាត់​។ ហើយ​នៅ​គ្រា​ដែល​អ្នកសារព័ត៌មាន​ថត​សកម្មភាព​ទាំងនោះ មេ​ឈ្មួញ​នេះ ក៏​មាន​ការប៉ះពាល់​សម្ដី​មក​លើ​អ្នកសារព័ត៌មាន​ទៀត​ដោយ​ចោទ អ្នកសារព័ត៌មាន​ថា ជា​អ្នក​ប្រើប្រាស់​សារធាតុ​ញៀន ដែល​វា​ពិតជា​ធ្វើឲ្យប៉ះពាល់ ដល់​កិត្តិយស​អ្នកសារព័ត៌មាន​យ៉ាងខ្លាំង​ផងដែរ​។​

​ជាមួយ​នេះ​ប្រជាពលរដ្ឋ​ក៏​បាន​និយាយទៀតថា គ្រប់​ប្រភេទ​ទំនិញ​ដែល​ដឹក​ចេញ នោះ​មិន​ប្រាកដ​ថា​ទំនិញ​ល្អ​ទាំងអស់​នោះ​ទេ​។ ហើយ​ពួកគាត់​ក៏​បាន​ធ្វើការ​សំណូមពរ ដល់​អាជ្ញាធរ​ខេត្ដ និង​កម្លាំង​សមត្ថកិច្ច​ដែល​ពាក់ព័ន្ធ​ទាំងអស់ សូម​ជួយ​ពិនិត្យ ចំពោះ​ឈ្មួញ​ដែល​កំពុង​តែ​នាំ​ទំនិញ ចូល​ក្នុង​តំបន់​ខាងលើ​នេះ​ផង​។​

​ជុំវិញ​ករណី​ខាងលើ ភ្នាក់ងារ​យក​ព័ត៌មាន​យើង មិនអាច​សុំ​ការបំភ្លឺ​ពី លោក ហាស់ សារ៉ន ជា​ប្រធាន កាំកុងត្រូល​ប្រចាំ​ខេត្ដ​បាត់ដំបង និង​លោក លោក​ពេជ្រ ប្រាថ្នា ជា​អនុប្រធាន​ការិយាល័យ​ប្រចាំការ ច្រក​អន្តរជាតិ​គី​ឡូ​១៣ ហៅ​ភ្នំ​ដី បានឡើយ​៕

Filed in: ព័ត៌មានសំខាន់, សូមរាយការណ៍
© 2019 រាជាធិបតេយ្យ. All rights reserved. XHTML / CSS Valid.