ចាងហ្វាងការផ្សាយ គឹម មនោ និពន្ធនាយក នាង សុផល​ / ការិយាល័យនិពន្ធ ៖ 012 95 43 55 | 016 75 69 87
ព័ត៌មាន​ថ្មី
- អំណោយ​មនុស្សធម៌​ពី​កាកបាទ​ ​ក្រហម​កម្ពុជា​ខេត្ត​មណ្ឌល​គី​រី​ជួយឧបត្ថម្ភ​ដល់​ពលរដ្ឋ​ចំនួន​ ១៩៦​គ្រួសារ រងគ្រោះ​ដោយ​ជំនន់​ទឹកភ្លៀង​..!! - ពិធី​ប្រកាស​ចូល​កាន់តំណែង​នាយក​ប្រតិបត្តិ​សាខា ក្រោម​អធិបតីភាព លោកជំទាវ ពុំ ចន្ទី​នី អគ្គលេខាធិការ​កាកបាទ​ក្រហម​កម្ពុជា​ - រដ្ឋបាល​ក្រុង​ស្វាយរៀង​បាន​បើក​កិច្ចប្រជុំ​សាមញ្ញ​លើក​ទី​០៣ អាណត្តិ​ទី​០៣ របស់​ក្រុមប្រឹក្សា​ក្រុង​ស្វាយរៀង​..!! - លោកជំទាវ ម៉ែន នារី​សោ​ភ័គ អគ្គលេខាធិការរង​ទី ១ កាកបាទក្រហមកម្ពុជា បាន​ទទួល​ជួប​សវនាការ និង​ទទួល​អំណោយ​ជា​កាបូបស្ពាយ​ចំនួន ១០០ ពី​លោក ផា​ទ្រី​ក ស៊ូ (Mr. Patrick Su) ប្រធាន​ផ្នែក​ក្រុម​ប្រតិបត្តិ​សង្គម​នៃ​ក្រុមហ៊ុន ស្តា​រីត ខេ​ម​បូឌា​ - ​មេ​ឈ្មួញ​វៀតណាម​បំបែក​រឿង​មេ​គយ​កណ្ដាល​និង​ខេត្តតាកែវ អត់​បង់ពន្ធ​ឬ​បង់ពន្ធ​មិន​គ្រប់​ក្នុង​ការនាំ​ទំនិញ​ពី​វៀតណាម​...!! - ​ឧកញ៉ា គង់ ក្រឹ​ង ម្ចាស់​កសិដ្ឋាន​ចិញ្ចឹមសត្វ​គោ​ស្រុក​ស្នួល​ខេត្ត​ក្រចេះ​ត្រៀមខ្លួន ទៅ​បំភ្លឺ​ករណី​ចោទប្រកាន់​រឿង​ព្រៃឈើ​ - ឯកឧត្តម អ៊ុន ចាន់​ដា រៀបចំ​កន្លែង​ស្នាក់នៅ​ដោយ​ឥតគិតថ្លៃ សំរាប់​សិស្សានុសិស្ស ដែល​មក​ប្រលង​សញ្ញាបត្រ​មធ្យមសិក្សា​ទុតិយភូមិ - ឯកឧត្តម អភិបាលខេត្ត និង​ថ្នាក់ដឹកនាំ​មន្ទីរ​ជំនាញ​ពាក់ព័ន្ធ ទទួល​ស្វាគមន៍​គណៈប្រតិភូ​គណៈកម្មការ​ទី​៤ នៃ​ព្រឹទ្ធសភា - អាជ្ញាធរ​ខេត្ត​កំពត​ចុះសួរសុខទុក្ខ និង​នាំ​អំណោយ​ចែកជូន​ប្រជាពលរដ្ឋ​រងគ្រោះ​ដោយ​ទឹក​ជំនន់​នៅ​ស្រុក​ទឹកឈូ​ - ​លោក ម៉ែន វិបុល អភិបាល នៃ​គណៈ​អភិបាលខេត្ត​ស្វាយរៀង អញ្ជើញ​ពិនិត្យមើល​ការស្ថាបនា ច្រាំ​ទន្លេវ៉ៃ​គោ រៀបចំ​ប្រព័ន្ធ​លូបង្ហូរទឹក រៀបចំ​សួនច្បារ ការ៉ូឡា ពង្រីក​ផ្លូវ និង​រៀបចំ​កន្លែង​អង្គុយ​ទស្សនាការ​ប្រណាំងទូក​!

អាជ្ញាធរ​ខេត្ត​កំពត​ចុះសួរសុខទុក្ខ និង​នាំ​អំណោយ​ចែកជូន​ប្រជាពលរដ្ឋ​រងគ្រោះ​ដោយ​ទឹក​ជំនន់​នៅ​ស្រុក​ទឹកឈូ​

កំពត ៖ នៅ​ព្រឹក​ថ្ងៃទី​១៣ ខែ​សីហា ឆ្នាំ​២០១៩ ឯកឧត្តម ជាវ តា​យ អភិបាល​នៃ​គណៈ​អភិបាលខេត្ត​កំពត និង​ជា​ប្រធាន​កិត្តយ​ស​សាខា​កាកបាទក្រហមក​ម្ពុ​ជា​ខេត្ត​កំពត អមដំណើរ​ដោយ​លោក​ឧត្តមសេនីយ៍ទោ ម៉ៅ ច័ន្ទ​មធុ​រិទ្ធ ស្នងការ​នគរបាល​ខេត្ត​កំពត បាន​ដឹកនាំ​ក្រុមការងារ​ជា​មន្ត្រីរាជការ ថ្នាក់ដឹកនាំ​កងកម្លាំងប្រដាប់អាវុធ​ចុះ​សាកសួរ​សុខទុក្ខ និង​ចែក​អំណោយ​ប្រជាពលរដ្ឋ​ដែល​រងគ្រោះ​ដោយ​ទឹកជំនន់ នៅ​ភូមិ​ដើម​ចារ និង​ភូមិ​កំពង់ត្រាច​ទី​២ ឃុំ​កំពង់ត្រាច​ខាងលិច ស្រុក​កំពង់ត្រាច និង​ឃុំ​កូន​សត្វ ស្រុក​ទឹកឈូ ចំនួន​១៨០​គ្រួសារ​។​

​ឯកឧត្តម ជាវ តា​យ បាន​មានប្រសាសន៍ថា បញ្ហា​ទុក្ខលំបាក​របស់​ប្រជាពលរដ្ឋ គឺជា​ទុក​លំបាក​របស់​ថ្នាក់ដឹកនាំ នៃ​រាជរដ្ឋាភិបាល​គ្រប់​លំដាប់ថ្នាក់ ពិសេស​សម្តេច​តេជោ ហ៊ុន សែន នាយករដ្ឋមន្ត្រី នៃ​កម្ពុជា តែងតែ​យកចិត្តទុកដាក់​ខ្ពស់ ចំពោះ​សុខទុក្ខ​លំបាក​ប្រជាពលរដ្ឋ​គ្រប់​កាលៈទេសៈ ហើយ​សម្តេច​តេជោ​តែងតែ​ក្រើនរំលឹក​ណែនាំ​ដល់​មន្ត្រី​មូលដ្ឋាន គ្រប់​លំដាប់​ថ្នាក់​ត្រូវ​ចុះជួយ ប្រជាពលរដ្ឋ​ជួប​ទុក្ខ​លំបាក​គ្រប់​ពេលវេលា​។​

​អំណោយ​ដែល​ចែកជូន​ប្រជាពលរដ្ឋ​រងគ្រោះ​ចំនួន ៣៥​គ្រួសារ នៅ​ស្រុក​កំពង់ត្រាច ដោយ​ក្នុង​មួយ​គ្រួសារ​ទទួលបាន រួមមាន ៖ អង្ករ ២៥​គីឡូក្រាម មី ០១​កេស ត្រីខ ១០​កំប៉ុង ទឹកត្រី ០៦​ដប ស្ករស ០១​គីឡូក្រាម និង​ថវិកា សរុប ១,៧៥០,០០០​រៀល ដោយ​មួយ​គ្រួសារ​ទទួល បាន​៥០,០០០​រៀល ។ ក្នុង​ឱកាស​នេះ​ដែរ ឯកឧត្តម​អភិបាលខេត្ត​បាន​ឧបត្ថម្ភ ថវិកា​សរុប​១​លាន​រៀល ដល់​យុវជន​កាកបាទក្រហម​ចំនួន​១០​នាក់ អ្នកស្ម័គ្រចិត្ត​ចំនួន​២​នាក់ និង​កងកម្លាំង ប្រជា​ការពារ ៨៨​នាក់ ដោយ​ម្នាក់ៗ​ទទួលបាន​ថវិកា​១​ម៉ឺន​រៀល​។​

​នៅ​ស្រុក​ទឹកឈូ ចំនួន​សរុប​១៤៥​គ្រួសារ ដោយ​មួយ​គ្រួសារ​ទទួលបាន​ថវិកា​២​ម៉ឺន​រៀល​។ នោះដែរ លោក​អភិបាលខេត្ត បាន​ឧបត្ថម្ភ​ថវិកា​សរុប ២,៩០០,០០០​រៀល ។​

​នា​ឱកាស​នោះ លោក​ឧត្តមសេនីយ៍ទោ ម៉ៅ ច័ន្ទ​មធុ​រិទ្ធ ស្នងការ​នគរបាល​ខេត្ត​កំពត ក៏​បាន​នាំ​អំណោយ​របស់​ឯកឧត្តម នាយ​ឧត្តមសេនីយ៍ សន្តិ​បណ្ឌិត នេ​ត សាវឿន អគ្គស្នងការ​នគរបាល​ជាតិ ចែកជូន​ប្រជាពលរដ្ឋ​រងគ្រោះ​ដោយ​ទឹកជំនន់​ផងដែរ ៕

 

ph190813a1 ph190813a2 ph190813a3 ph190813a4 ph190813a5 ph190813a6 ph190813a7

Filed in: ព័ត៌មានជាតិ
© 2019 រាជាធិបតេយ្យ. All rights reserved. XHTML / CSS Valid.