ចាងហ្វាងការផ្សាយ គឹម មនោ Tel: 017 78 67 88 និពន្ធនាយក នាង សុផល​ / ការិយាល័យនិពន្ធ ៖ Tel: 085 23 77 23 | 016 75 69 87
ព័ត៌មាន​ថ្មី
- បង្ក្រាបខារ៉ាអូខេមួយកន្លែង ឃាត់ខ្លួនមនុស្សប្រុសស្រីជិត១០០នាក់ ព្រមថ្នាំញៀនមួយចំនួន នៅភ្នំពេញ - អភិបាលខេត្តកំពង់ធំ នាំ​យកអំណោយគម្រោងចលនាភូមិថ្មី របស់ប្រទេសកូរ៉េជូនដល់ប្រជាពលរដ្ឋមានជីវភាពខ្វះខាត - អភិបាលខេត្តកំពង់ធំនាំ​យកអំណោយគម្រោងចលនាភូមិថ្មី របស់ប្រទេសកូរ៉េជូនដល់ប្រជាពលរដ្ឋមានជីវភាពខ្វះខាត - លោក ថេរ សុរិទ្ធិយ៉ាមេអន្តោប្រវេសន៍ច្រកអូរស្មាច់ និងបក្ខពួកកំពុងកេីបលុយបែបអំពេីពុក រលួយមិនគូរនាយឧត្តមសេនីយ៍ គៀត ចន័្ទ ថារិទ្ធ មេីលរំលងទល់តែសោះ - លោក ថេរ សុរិទ្ធិយ៉ាមេអន្តោប្រវេសន៍ច្រកអូរស្មាច់ និងបក្ខពួកកំពុងកេីបលុយបែបអំពេីពុក រលួយមិនគូរនាយឧត្តមសេនីយ៍ គៀត ចន័្ទ ថារិទ្ធ មេីលរំលងទល់តែសោះ - លោក ថេរ សុរិទ្ធិយ៉ាមេអន្តោប្រវេសន៍ច្រកអូរស្មាច់ និងបក្ខពួកកំពុងកេីបលុយបែបអំពេីពុក រលួយមិនគូរនាយឧត្តមសេនីយ៍ គៀត ចន័្ទ ថារិទ្ធ មេីលរំលងទល់តែសោះ - លោក ថេរ សុរិទ្ធិយ៉ាមេអន្តោប្រវេសន៍ច្រកអូរស្មាច់ និងបក្ខពួកកំពុងកេីបលុយបែបអំពេីពុក រលួយមិនគូរនាយឧត្តមសេនីយ៍ គៀត ចន័្ទ ថារិទ្ធ មេីលរំលងទល់តែសោះ - សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត អញ្ជើញប្រគេនទៀនព្រះវស្សា និងទេយ្យទាន ដល់ព្រះសង្ឃដែលគង់ចាំព្រះវស្សាក្នុងវត្តចំពុះក្អែក - បនល្បែងដ៍ធំនៅភូមិ អន្លួងជ្រៃស្រុកពញា ក្រែកខេត្តត្បួងឃ្មុំ សង្ស័យគ្មានច្បាប់ឃើញបើកលែងរាល់ថ្ងៃយ៉ាងកក្រើកសម្ថកិច្ចមិនបង្ក្រាប - ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម បានដឹកនាំមន្ត្រីជំនាញ អាជ្ញាធរចុះពិនិត្យការ ស្ថាបនាស្ពានថ្មី

​ព្រៃ​ការពារ​ព្រៃ​អភិរក្ស​នៅក្នុង​ខេត្ត​រតនគិរី​ខេត្ត​ស្ទឹងត្រែង​និង​ខេត្តមណ្ឌលគិរី​កំពុង​ប្រឈម​នឹង​សេចក្ដី​វិនាស​

បច្ចុប្បន្ន​ព្រៃ​ការពារ និង​ព្រៃ​អភិរក្ស​ក្នុង​មូលដ្ឋាន​ពួកគាត់​កំពុង​ត្រូវ​ឈ្មួញ​ធំៗ​កាប់រំលំ​អារច្រៀក និង​ដឹកជញ្ជូន​ចេញ​ទៅ​ស្រុក​យួន​យ៉ាង​ពេញបន្ទុក​ដោយ​គ្មាន​មន្ត្រី​ជំនាញ​ឬ​សមត្ថកិច្ច​ពាក់ព័ន្ធ​ណា​ចាត់វិធានការ​បង្ក្រាប​នោះទេ​។

​ប្រជាពលរដ្ឋ​នៅក្នុង​ស្រុក​សេ​សាន​ខេត្តស្ទឹងត្រែង​បានឲ្យ​ដឹង​ដែរ​ថា​ឈ្មួញ​ឈ្មោះ​ម៉ឹក​សុផាន់​ណា​រ៉េត​និង​បក្ខពួក​ឈ្មោះ​សាន្ត ច​យ កំពុង​បន្ត​ធ្វើ​សកម្មភាព​កាប់​ឈើ​នៅ​ខាងក្រៅ​ផ្ទៃ​បាត​អាង​ទំនប់​វា​រី​អគ្គិសនី​សេ​សាន​ក្រោម​២ ហើយ​ដឹកជញ្ជូន​តាម​រថយន្ត​ធំៗ​ចេញ​ទៅ​ស្រុក​យួន​តាម​ច្រក​ត្រពាំង​ស្រែ ស្រុក​ស្នួល​ខេត្ត​ក្រចេះ ។
​មន្ត្រី​ជំនាញ​និង​សមត្ថកិច្ច​ពាក់ព័ន្ធ​មិន​ហ៊ាន​ប៉ះពាល់​ឧកញ៉ា​ជ័យ​ដែលជា​ឈ្មួញ​ល្បី​ខាង​កាប់​ឈើ​ក្នុងស្រុក​សេ​សាន ខេត្តស្ទឹងត្រែង​ដឹកជញ្ជូន​ចេញ​ទៅ​ស្រុក​យួន​តាម​ច្រក​ត្រពាំង​ស្រែ​ក្នុងស្រុក​ស្នួល​ខេត្តក្រចេះ​នោះទេ​ផ្ទុយ​ទៅ​វិញ​ពួក​គេ​ចាំ​ទទួល​ផលប្រយោជន៍​ពី​ឧកញ៉ា​ជ័យ​យ៉ាង​ស្ងៀមស្ងាត់​។​

​ប្រភព​ពី​ប្រជាពលរដ្ឋ​នៅក្នុង​ស្រុក​កោះ​ញែក​ខេត្តមណ្ឌលគិរី​បានឲ្យដឹង​ថា​ព្រៃឈើ​នៅក្នុង​តំបន់​ដែន​ជម្រក​សត្វព្រៃ​ភ្នំ​ព្រិច​តំបន់​អន្ទ្រ​ង និង​តំបន់​ដែនជម្រកសត្វព្រៃ​ស្រែ​ពក​កំពុង​រង​ការបំផ្លាញ​យ៉ាង​មហន្តរាយ​។
​ប្រជា​សហគមន៍​ការពារ​ព្រៃឈើ​នៅ​ក្នុង​ស្រុក​កោះ​ញែក​ខេត្តមណ្ឌលគិរី​បានឲ្យដឹង​ថា​មេ​ឈ្មួញ​សឹង្ហ​សំអុល​មេ​ឈ្មួញ​តុ​ប  វី​ដា​មេ​ឈ្មួញ​ស្រេង​ម៉េង​ហៅ​ម៉េង ៣ ពូថៅ ព្រម​ទាំង​ក្រុមហ៊ុន​មួយចំនួន នៅ​តែ​កាប់​ឈើ​ដឹក​ចេញពី​ព្រៃ​ការពារ​ព្រៃ​អភិរក្ស​ក្នុង​ស្រុក​កោះ​ញែក​យ៉ាង​គគ្រឹកគគ្រេង​ដដែល​។
​មន្ត្រី​អាជ្ញាធរ​មន្ត្រី​ជំនាញ​និង​សមត្ថកិច្ច​ពាក់ព័ន្ធ​ក្នុង​ខេត្ត​មណ្ឌលគិរី មិន​ចាត់វិធានការ​ទប់ស្កាត់​បទល្មើស​បំផ្លាញ​ព្រៃឈើ​ដែល​កើតឡើង​យ៉ាង​រាលដាល​នៅក្នុង​ស្រុក​កោះ​ញែក ខេត្តមណ្ឌលគិរី​នោះទេ​។​

​សេចក្ដីរាយការណ៍​ពី​ប្រជាពលរដ្ឋ​រស់នៅ​ក្នុង​ស្រុក​អណ្ដូង​មាស​និង​ស្រុក​តា​វែង​ខេត្ត​រតនគិរី​បានឲ្យដឹង​ថា​បច្ចុប្បន្ន​ព្រៃឈើ​ក្នុង​តំបន់​ឧទ្យាន​ជាតិ​វីរៈ​ជ័យ តំបន់​កន្ទុយ​នាគ​កំពុង​រង​ការបំផ្លាញ​យ៉ាង​ខ្លាំងក្លា​បំផុត​ហើយ​អភិបាលខេត្ត​រតនគិរី លោក​ថង​សាវុន​និង​ប្រធាន​មន្ទីរ​បរិស្ថាន​ខេត្តរតនគិរី​មិន​ចាត់វិធានការ​ទប់ស្កាត់​ឡើយ​។
​សូម្បីតែ​លោក​សាយ​សំ​អាល់ រដ្ឋមន្ត្រី​ក្រសួង​បរិស្ថាន ក៏​រក្សា​ភាព​ស្ងៀមស្ងាត់​ផងដែរ​ក្នុង​ខណៈ​ដែល​ឈ្មួញ​ជា​មន្ត្រី​យោធា​ឈ្មួញ​ជា​មន្ត្រី​នគរបាល​ឈ្មួញ​ជា​មន្ត្រី​អាវុធហត្ថ និង​ក្រុមហ៊ុន​មួយចំនួន​សម្រុក​កាប់​ឈើ​ដឹកជញ្ជូន​ចេញពី​តំបន់​ឧទ្យាន​ជាតិ​វីរៈ​ជ័យ ចូល​ទៅ​ស្រុក​យួន​រាប់ពាន់​រាប់​ម៉ឺន​ម៉ែត្រគូប​ក្នុង​មួយ​ខែៗ​។
​ប្រការ​នេះ​កំពុង​ធ្វើឲ្យ​ព្រៃឈើ​នៅក្នុង​តំបន់​កន្ទុយនាគឧ​ទ្យាន​ជាតិ​វីរៈជ័យ  ចៀស​មិន​ផុត​ពី​សេចក្ដី​វិនាស​សាបសូន្យ ក្នុង​ពេល​ឆាប់ៗ​ខាងមុខ​នេះ​ឡើយ​។​

​ទាក់ទង​នឹង​បទល្មើស​បំផ្លាញ​ព្រៃឈើ​ក្នុង​ខេត្ត​រតនគិរី​ខេត្ត​ស្ទឹងត្រែង​និង​ខេត្ត​មណ្ឌលគិរី​នោះ​ដែរ​គឺ​កាលពី​ថ្ងៃ​៣១ ខែ​ឧសភា​ឆ្នាំ​២០១៨ ពី​ភ្នាក់ការ​ស៊ើបអង្កេត​បរិស្ថាន​ហៅ​កាត់​ថា​(EIA) ដែល​មាន​ស្នាក់ការ​នៅ​ទីក្រុង​ឡុង​ដ៍ ប្រទេស​អង់គ្លេស​បាន​ចេញ​របាយ​ការណ៍​មួយ​ដោយ​ដាក់​ចំណងជើង​ថា «​វៀតណាម​នៅតែ​ជា​អ្នក​លួច​ឈើ​ក្នុង​តំបន់​ការពារ​របស់​ប្រទេស​កម្ពុជា​» នៅក្នុង​របាយការណ៍​នោះ​បាន​រៀបរាប់​អំពើ​ការកាប់បំផ្លាញ​ព្រៃឈើ​នៅ​ក្នុង​ឧទ្យាន​ជាតិ​វីរៈ​ជ័យ ខេត្ត​រតនគិរី​, តំបន់​ទំនប់​សេ​សាន​ក្រោម​២ ក្នុង​ខេត្ត​ស្ទឹងត្រែង​និង​តំបន់​ដែនជម្រកសត្វព្រៃ​ភ្នំ​ព្រិច​ខេត្ត​មណ្ឌលគិរី​។

​តាម​របាយការណ៍​របស់​ភ្នាក់ងា​រសើប​អង្កេត​បរិស្ថាន EIA បានឲ្យដឹងថា ទំហំ​ព្រៃឈើ​ដែល​ត្រូវបាន​កាប់បំផ្លាញ​ដឹកជញ្ជូន​ទៅ​ស្រុក​យួន​ចន្លោះ​ពី​ខែតុលា ឆ្នាំ​២០១៧ ដែល​ខែ​មីនា​ឆ្នាំ​២០១៨ គឺ​មាន​បរិមាណ ១ ១៥៥ ០០០ ម៉ែត្រគូប​។
​ប្រការ​នេះ​ហើយ​ដែល​ធ្វើឲ្យ​ព្រៃឈើ​នៅ​សេសសល់​ក្នុង​ខេត្ត​រតនគិរី​ខេត្ត​ស្ទឹងត្រែង​និង​ខេត្ត​មណ្ឌលគិរី​ចៀស​មិន​ផុត​ពី​សេចក្ដី​វិនាស​នោះឡើយ​៕

 

preyaphirak1 preyaphirak3 preyaphirak2

Filed in: ព័ត៌មានជាតិ, ព័ត៌មានសំខាន់, សូមរាយការណ៍
© 2020 រាជាធិបតេយ្យ. All rights reserved. XHTML / CSS Valid.