ចាងហ្វាងការផ្សាយ គឹម មនោ និពន្ធនាយក នាង សុផល​ / ការិយាល័យនិពន្ធ ៖ 012 95 43 55 | 016 75 69 87
ព័ត៌មាន​ថ្មី
- អំណោយ​មនុស្សធម៌​ពី​កាកបាទ​ ​ក្រហម​កម្ពុជា​ខេត្ត​មណ្ឌល​គី​រី​ជួយឧបត្ថម្ភ​ដល់​ពលរដ្ឋ​ចំនួន​ ១៩៦​គ្រួសារ រងគ្រោះ​ដោយ​ជំនន់​ទឹកភ្លៀង​..!! - ពិធី​ប្រកាស​ចូល​កាន់តំណែង​នាយក​ប្រតិបត្តិ​សាខា ក្រោម​អធិបតីភាព លោកជំទាវ ពុំ ចន្ទី​នី អគ្គលេខាធិការ​កាកបាទ​ក្រហម​កម្ពុជា​ - រដ្ឋបាល​ក្រុង​ស្វាយរៀង​បាន​បើក​កិច្ចប្រជុំ​សាមញ្ញ​លើក​ទី​០៣ អាណត្តិ​ទី​០៣ របស់​ក្រុមប្រឹក្សា​ក្រុង​ស្វាយរៀង​..!! - លោកជំទាវ ម៉ែន នារី​សោ​ភ័គ អគ្គលេខាធិការរង​ទី ១ កាកបាទក្រហមកម្ពុជា បាន​ទទួល​ជួប​សវនាការ និង​ទទួល​អំណោយ​ជា​កាបូបស្ពាយ​ចំនួន ១០០ ពី​លោក ផា​ទ្រី​ក ស៊ូ (Mr. Patrick Su) ប្រធាន​ផ្នែក​ក្រុម​ប្រតិបត្តិ​សង្គម​នៃ​ក្រុមហ៊ុន ស្តា​រីត ខេ​ម​បូឌា​ - ​មេ​ឈ្មួញ​វៀតណាម​បំបែក​រឿង​មេ​គយ​កណ្ដាល​និង​ខេត្តតាកែវ អត់​បង់ពន្ធ​ឬ​បង់ពន្ធ​មិន​គ្រប់​ក្នុង​ការនាំ​ទំនិញ​ពី​វៀតណាម​...!! - ​ឧកញ៉ា គង់ ក្រឹ​ង ម្ចាស់​កសិដ្ឋាន​ចិញ្ចឹមសត្វ​គោ​ស្រុក​ស្នួល​ខេត្ត​ក្រចេះ​ត្រៀមខ្លួន ទៅ​បំភ្លឺ​ករណី​ចោទប្រកាន់​រឿង​ព្រៃឈើ​ - ឯកឧត្តម អ៊ុន ចាន់​ដា រៀបចំ​កន្លែង​ស្នាក់នៅ​ដោយ​ឥតគិតថ្លៃ សំរាប់​សិស្សានុសិស្ស ដែល​មក​ប្រលង​សញ្ញាបត្រ​មធ្យមសិក្សា​ទុតិយភូមិ - ឯកឧត្តម អភិបាលខេត្ត និង​ថ្នាក់ដឹកនាំ​មន្ទីរ​ជំនាញ​ពាក់ព័ន្ធ ទទួល​ស្វាគមន៍​គណៈប្រតិភូ​គណៈកម្មការ​ទី​៤ នៃ​ព្រឹទ្ធសភា - អាជ្ញាធរ​ខេត្ត​កំពត​ចុះសួរសុខទុក្ខ និង​នាំ​អំណោយ​ចែកជូន​ប្រជាពលរដ្ឋ​រងគ្រោះ​ដោយ​ទឹក​ជំនន់​នៅ​ស្រុក​ទឹកឈូ​ - ​លោក ម៉ែន វិបុល អភិបាល នៃ​គណៈ​អភិបាលខេត្ត​ស្វាយរៀង អញ្ជើញ​ពិនិត្យមើល​ការស្ថាបនា ច្រាំ​ទន្លេវ៉ៃ​គោ រៀបចំ​ប្រព័ន្ធ​លូបង្ហូរទឹក រៀបចំ​សួនច្បារ ការ៉ូឡា ពង្រីក​ផ្លូវ និង​រៀបចំ​កន្លែង​អង្គុយ​ទស្សនាការ​ប្រណាំងទូក​!

លោក​ជា​តារា​មេ​នគរបាល​ប្រឆាំង​បទល្មើស​សេដ្ឋកិច្ច​ខេត្ត​រតនគិរី​កំពុង​សប្បាយ​ប្រមូល​លុយ​ពី​ឈ្មួញ​ដឹក​ជញ្ជូន​ឈើ​

ខេត្ត​រតនគិរី ៖ លោក​ជា​តារា​ប្រធានការិយាល័យ​នគរបាល​ប្រឆាំង​បទល្មើស​សេដ្ឋកិច្ច និង​បក្ខពួក​កំពុង​សប្បាយ​ប្រមូល​លុយ​ពី​ក្រុម​ឈ្មួញ​ដឹកជញ្ជូន​ឈើ​ទៅ​ប្រទេស​វៀតណាម​យ៉ាង​សុខ​ស្រួល​។ ប្រភព​បានឲ្យដឹង​ទៀតថា មន្ត្រីនគរបាល​ការិយាល័យ​ប្រឆាំង​បទល្មើស​សេដ្ឋកិច្ច​ដែល​ជា​មនុស្ស​ជំនិត​របស់លោក ជា​តារា កំពុង​ធ្វើ​សកម្មភាព​ប្រមូល​លុយ​ពី​ក្រុម​ឈ្មួញ​ដឹកជញ្ជូន​ជា​រៀងរាល់ថ្ងៃ ហើយ​បន្ត​ឲ្យ​បទល្មើស​កើតឡើង ដដែល​។

​ប្រជាពលរដ្ឋ​និង​មន្ត្រីរាជការ​នៅក្នុង​ក្រុង​បាន​លុង​ខេត្តរតនគិរី​បានឲ្យដឹងថា​៖​គ្រប់​ឈ្មួញ​ដែល​ដឹក​ជញ្ជូន​ឈើ​ឆ្លងកាត់​ក្រុង​បាន​លុង​និង​ផ្លូវជាតិ​លេខ​៧៨ ចេញ​ទៅ​ប្រទេស​វៀតណាម​តាម​ច្រកទ្វារ​អន្តរជាតិ​អូរយ៉ាដាវ​និង​ច្រករបៀង​ច្រើន​កន្លែង​ក្នុង​ស្រុក​អូរយ៉ាដាវ​គឺ​ចៀស​មិន​ផុត​ពី​បង់លុយ​តាម​ការកំណត់​របស់​លោក​ឈាង​សុភ័ក្ត្រ​ដែល​ជា​មនុស្ស​ជំនិត​របស់លោក​ជា​តារា​នោះ​ឡើយ​។​

​មួយ​រយៈ​ចុង​ក្រោយ​នេះ​ឈ្មួញ​ច្រើន​នាក់​បាន​ប្រមូល​ទិញ​ឈើ​និង​ដឹកជញ្ជូន​ឈើ​ពី​ស្រុក​វ៉ើន​សៃ ស្រុក​កូន​មុំ​និង​ស្រុក​លំផាត់ ឆ្លងកាត់​ក្រុង​បាន​លុង យ៉ាង​ពេញបន្ទុក​ហើយ​មិន​ឃើញ​មន្ត្រីនគរបាល​ប្រឆាំង​បទល្មើស​សេដ្ឋកិច្ច​ក្នុង​ខេត្ត​រតនគិរី ចាត់វិធានការ​បង្ក្រាប​នោះ​ទេ​។

​ប្រជាពលរដ្ឋ​និង​ប្រភព​ដដែល​បានឲ្យដឹង​ទៀត​ថា​៖​ឈ្មួញ​ដែល​កំពុង​សម្រុក​ដឹកជញ្ជូន​ឈើ​ចេញ​ទៅ​ប្រទេស​វៀតណាម​តាម​ច្រកទ្វារ​អន្តរជាតិ​អូរយ៉ាដាវ មានដូចជា​ឈ្មោះ​ចែ​រ៉ា​, ឈ្មោះ​ទូច​, ឈ្មោះ ច​ន្ធី​, ឈ្មោះ​ស្រេង​និង​ឈ្មួញ​ឈ្មោះ​ស្រី​លក្ខណ៍ ជាដើម ។ ជាពិសេស​ឈ្មោះ​ហាវ​គ្រាន់តែ​ជា​អ្នកបើកបរ​រថយន្ត​ឲ្យ​លោក​ស្រីអតីត​អភិបាលរង​ខេត្ត​រតនគិរី​ដែល​បច្ចុប្បន្ន​ផ្ទេរ​ទៅ​ជា​អភិបាលរង​ខេត្តស្ទឹងត្រែង​ក៏​ជា​ឈ្មួញ​ដឹកឈើ​ដ៏​សំខាន់​ដែរ ។ និយាយ​រួម​ទៅ ថ្នាក់ដឹកនាំ​(​អភិបាលរង​ខេត្ត​) ភាគច្រើន​ជា​អ្នក​ដែល​ពាក់ព័ន្ធ​នឹង​របរ​រកស៊ី​ឈើ​ខុសច្បាប់​នេះ​ហើយ​ដែល​ជា​ប្រភព​ចំណូល​ដ៏​សំខាន់​របស់​លោក​ជា​តារា​និង​បក្ខពួក​។

​ចំណែក​លោក​វ៉ាន​សង្វាត​ស្នងការរង​នគរបាល​ខេត្តរតនគិរី​ទទួលបន្ទុក​ផែន​ប្រឆាំង​បទល្មើស​សេដ្ឋកិច្ច​កំពុង​សម្ងំ​ស្ងៀម​ធ្វើ​មិនដឹងមិនឮ​អ្វី​ទាំងអស់​ហើយ​បណ្ដោយ​ឲ្យ​លោក​ជា​តារា​និង​បក្ខពួក​ធ្វើ​អ្វីៗ​តាម​អំពើ​ចិត្ត​។​

​សកម្មជន​ព្រៃឈើ​និង​មន្ត្រី​អង្គការក្រៅរដ្ឋាភិបាល​ក្នុង​ខេត្ត​រតនគិរី បានឲ្យដឹងថា​៖ រហូតមកដល់​ពេល​នេះ​ឈ្មួញ​ច្រើន​នាក់​នៅ​តែ​សម្រុក​ដឹកឈើ​ឆ្លងកាត់​ក្រុង​បាន​លុង តាម​ផ្លូវជាតិ​លេខ​៧៨ ចេញ​ទៅ​ប្រទេស​វៀតណាម​តាម​ច្រកទ្វារ​អន្តរជាតិ​អូរយ៉ាដាវ យ៉ាង​ពេញបន្ទុក​ព្រោះ​គ្មាន​មន្ត្រីរដ្ឋបាល​ព្រៃឈើ​និង​សមត្ថកិច្ច​ពាក់ព័ន្ធ​ណា​ចាត់វិធានការ​ទប់ស្កាត់​នោះទេ​។ ប្រភព​បាន​លើកឡើង​ថា​លោក​កែប​កត់ នាយ​ខណ្ឌ​រដ្ឋបាល​ព្រៃឈើ​ខេត្តរតនគិរី​និង​លោក​ជា​តារា​នាយការិយាល័យ​នគរបាល​ប្រឆាំង​បទល្មើស​សេដ្ឋកិច្ច​នៃ​ស្នងការដ្ឋាន​នគរបាល​ខេត្ត​រតនគិរី កំពុង​សប្បាយ​ប្រមូល​លុយ​ពី​ក្រុម​ឈ្មួញ​ដឹកជញ្ជូន​ឈើ​ខុសច្បាប់​ចេញទៅ​ប្រទេស​វៀតណាម​តាម​ច្រកទ្វារ​អន្តរជាតិ​អូរយ៉ាដាវ ៕

cheadara3 cheadara4 cheadara1

Filed in: ព័ត៌មានសំខាន់, សូមរាយការណ៍
© 2019 រាជាធិបតេយ្យ. All rights reserved. XHTML / CSS Valid.