ចាងហ្វាងការផ្សាយ គឹម មនោ និពន្ធនាយក នាង សុផល​ / ការិយាល័យនិពន្ធ ៖ 012 95 43 55 | 016 75 69 87
ព័ត៌មាន​ថ្មី
- អំណោយ​មនុស្សធម៌​ពី​កាកបាទ​ ​ក្រហម​កម្ពុជា​ខេត្ត​មណ្ឌល​គី​រី​ជួយឧបត្ថម្ភ​ដល់​ពលរដ្ឋ​ចំនួន​ ១៩៦​គ្រួសារ រងគ្រោះ​ដោយ​ជំនន់​ទឹកភ្លៀង​..!! - ពិធី​ប្រកាស​ចូល​កាន់តំណែង​នាយក​ប្រតិបត្តិ​សាខា ក្រោម​អធិបតីភាព លោកជំទាវ ពុំ ចន្ទី​នី អគ្គលេខាធិការ​កាកបាទ​ក្រហម​កម្ពុជា​ - រដ្ឋបាល​ក្រុង​ស្វាយរៀង​បាន​បើក​កិច្ចប្រជុំ​សាមញ្ញ​លើក​ទី​០៣ អាណត្តិ​ទី​០៣ របស់​ក្រុមប្រឹក្សា​ក្រុង​ស្វាយរៀង​..!! - លោកជំទាវ ម៉ែន នារី​សោ​ភ័គ អគ្គលេខាធិការរង​ទី ១ កាកបាទក្រហមកម្ពុជា បាន​ទទួល​ជួប​សវនាការ និង​ទទួល​អំណោយ​ជា​កាបូបស្ពាយ​ចំនួន ១០០ ពី​លោក ផា​ទ្រី​ក ស៊ូ (Mr. Patrick Su) ប្រធាន​ផ្នែក​ក្រុម​ប្រតិបត្តិ​សង្គម​នៃ​ក្រុមហ៊ុន ស្តា​រីត ខេ​ម​បូឌា​ - ​មេ​ឈ្មួញ​វៀតណាម​បំបែក​រឿង​មេ​គយ​កណ្ដាល​និង​ខេត្តតាកែវ អត់​បង់ពន្ធ​ឬ​បង់ពន្ធ​មិន​គ្រប់​ក្នុង​ការនាំ​ទំនិញ​ពី​វៀតណាម​...!! - ​ឧកញ៉ា គង់ ក្រឹ​ង ម្ចាស់​កសិដ្ឋាន​ចិញ្ចឹមសត្វ​គោ​ស្រុក​ស្នួល​ខេត្ត​ក្រចេះ​ត្រៀមខ្លួន ទៅ​បំភ្លឺ​ករណី​ចោទប្រកាន់​រឿង​ព្រៃឈើ​ - ឯកឧត្តម អ៊ុន ចាន់​ដា រៀបចំ​កន្លែង​ស្នាក់នៅ​ដោយ​ឥតគិតថ្លៃ សំរាប់​សិស្សានុសិស្ស ដែល​មក​ប្រលង​សញ្ញាបត្រ​មធ្យមសិក្សា​ទុតិយភូមិ - ឯកឧត្តម អភិបាលខេត្ត និង​ថ្នាក់ដឹកនាំ​មន្ទីរ​ជំនាញ​ពាក់ព័ន្ធ ទទួល​ស្វាគមន៍​គណៈប្រតិភូ​គណៈកម្មការ​ទី​៤ នៃ​ព្រឹទ្ធសភា - អាជ្ញាធរ​ខេត្ត​កំពត​ចុះសួរសុខទុក្ខ និង​នាំ​អំណោយ​ចែកជូន​ប្រជាពលរដ្ឋ​រងគ្រោះ​ដោយ​ទឹក​ជំនន់​នៅ​ស្រុក​ទឹកឈូ​ - ​លោក ម៉ែន វិបុល អភិបាល នៃ​គណៈ​អភិបាលខេត្ត​ស្វាយរៀង អញ្ជើញ​ពិនិត្យមើល​ការស្ថាបនា ច្រាំ​ទន្លេវ៉ៃ​គោ រៀបចំ​ប្រព័ន្ធ​លូបង្ហូរទឹក រៀបចំ​សួនច្បារ ការ៉ូឡា ពង្រីក​ផ្លូវ និង​រៀបចំ​កន្លែង​អង្គុយ​ទស្សនាការ​ប្រណាំងទូក​!

លោក​គឹម​ឈុនលី​មេ​រដ្ឋបាល​ព្រៃឈើ​ខេត្ត​ត្បូងឃ្មុំ​គ្មាន​ខ្លាច​អ្នកណា​ទាំងអស់

រឿងអាស្រូវ​ពុករលួយ​របស់លោក​គឹម​ឈុនលី​នាយ​ខណ្ឌ​រដ្ឋបាល​ព្រៃឈើ​ខេត្ត​ត្បូងឃ្មុំ ក្នុង​ការឃុបឃិត​បើកដៃ​ឲ្យ​ឈ្មួញ​ច្រើន​នាក់​ដឹកជញ្ជូន​ឈើ​ចេញ​ទៅ​ស្រុក​យួន​តាម​ច្រកព្រំដែន​ក្នុង​ស្រុក​មេមត់ និង​ស្រុក​ពញាក្រែក​ខេត្ត​ត្បូងឃ្មុំ​យ៉ាង​រាលដាល​ត្រូវបាន​បើក​កកាយ​ជា​បន្តបន្ទាប់​។

​ថ្មីៗ​នេះ​ប្រជាពលរដ្ឋ​រស់នៅ​តាម​តំបន់​ព្រំដែន​កម្ពុជា​-​យួន​ក្នុង​ស្រុក​មេមត់ ខេត្ត​ត្បូងឃ្មុំ​បានឲ្យដឹងថា​៖ បច្ចុប្បន្ន​ឈ្មួញ​ច្រើន​នាក់​នៅ​តែ​អាច​បន្ត​សកម្មភាព​ដឹកជញ្ជូន​ឈើ​ប្រណីត​ចេញទៅ​ស្រុក​យួន​តាម​ច្រក​ព្រំដែន​និង​ច្រករបៀង​ជាច្រើន​កន្លែង​យ៉ាង​គគ្រឹកគគ្រេង​។
​ប្រការ​ដែល​ក្រុម​ឈ្មួញ​អាច​ដឹកជញ្ជូន​ឈើ​ប្រណីត​ចេញទៅ​ស្រុក​យួន​យ៉ាង​រលូន​នោះ គឺ​មាន​ការឃុបឃិត​បើកដៃ​ពី​សំណាក់​លោក​គឹម​ឈុនលី​នាយ​ខណ្ឌ​រដ្ឋបាល​ព្រៃឈើ​ខេត្ត​ត្បូងឃ្មុំ​ក៏​ដូចជា​នគរបាល​ប្រឆាំង​បទល្មើស​សេដ្ឋកិច្ច​និង​គយ​ចល័ត​ផងដែរ​។
​ជាពិសេស​សមត្ថកិច្ច​តាម​ច្រក​ព្រំដែន​ជាច្រើន​កន្លែង​ក្នុង​ស្រុក​មេមត់ ដូចជា​ច្រក​បឹង​ជ្រោង​ច្រក​ចាន់​មូល​និង​ច្រក​ដូនរ័ត្ន ជាដើម​កំពុង​សប្បាយ​ប្រមូល​លុយ​ពី​ក្រុម​ឈ្មួញ​ដឹក​ជញ្ជូន​ឈើ​ចេញ​ទៅ​ស្រុក​យួន​យ៉ាង​សុខ​ស្រួល​មិន​ខ្វល់​ពី​ការរិះគន់​អ្វី​ទាំងអស់​។​

​តាម​ការអះអាង​របស់​មន្ត្រី​នៅ​ក្នុង​មន្ទីរ​កសិកម្ម​ខេត្ត​ត្បូងឃ្មុំ មួយចំនួន​បាន​បង្ហើប​ឲ្យដឹងថា​៖ ឈ្មួញ​ដឹក​ជញ្ជូន​ឈើ​ដែល​មាន​ទាំង​មន្ត្រី​យោធា​និង​មន្ត្រី​អាវុធហត្ថ​ផង​នោះ​ត្រូវមាន​ទំនាក់ទំនង​យ៉ាង​ជិតស្និទ្ធ​ជាមួយ​លោក គឹម​ឈុនលី មេ​រដ្ឋបាល​ព្រៃឈើ​ខេត្ត​ត្បូងឃ្មុំ​ទើប​អាច​ដឹកជញ្ជូន​ឈើ​ទៅដល់​គោលដៅ​ដោយ​គ្មាន​ឧបសគ្គ​។ បើ​មិន​ដូច្នេះ​ទេ​ក្រុមមនុស្ស​ដែល​ជា​បក្ខពួក​របស់​លោក​គឹម​ឈុនលី ប្រើ​រថយន្ត​ប្រដេញ​តាម​បង្ក្រាប​រថយន្ត​ដឹកឈើ​មិន​ឲ្យ​រួច​ខ្លួន​ឡើយ ហើយ​គេ​គំរាម​ចាត់វិធានការ​តាម​ច្បាប់​ទៀត​ផង​។
​តាមរយៈ​ការឃុបឃិត​បើកដៃ​ឲ្យ​ឈ្មួញ​ច្រើន​នាក់​បន្តសកម្មភាព​ដឹកជញ្ជូន​ឈើ​ចេញ​ទៅ​ស្រុក​យួន​តាម​ច្រករបៀង​និង​ច្រកព្រំដែន​ក្នុង​ស្រុក​មេមត់  ក៏​ដូចជា​ច្រក​ព្រំដែន​និង​ច្រករបៀង​ក្នុង​ស្រុក​ពញាក្រែក គឺ​លោក គឹម ឈុនលី អាច​ប្រមូល​លុយ​បាន​យ៉ាងច្រើន​ក្នុង​មួយខែៗ ហើយក៏​អាច​មាន​ការបែងចែក មួយ​ផ្នែក​ណា​នោះ ទៅ​ថ្នាក់លើ​ផង​ដែរ​ទើប​អ្វីៗ​អាច​ប្រព្រឹត្ត​យ៉ាង​ស្ងៀមស្ងាត់​។​

​ប្រភព​ពី​មន្ត្រី​និង​សមត្ថកិច្ច​ពាក់ព័ន្ធ​តាម​បណ្ដា​ឃុំ​ក្នុង​ស្រុក​មេមត់ ជាប់​ព្រំប្រទល់​ជាមួយ​ប្រទេស​យួន​បានឲ្យដឹងថា​៖​រយៈពេល​ប្រមាណ​១​ខែ​កន្លងទៅ​នេះ ក្រុម​ឈ្មួញ​សម្រុក​ដឹកជញ្ជូន​ឈើ​ចេញ​ទៅ​ស្រុក​យួន​តាម​ច្រក​ព្រំដែន​និង​ច្រករបៀង​ក្នុង​ស្រុក​មេមត់ ។

​ឈ្មួញ​ធំៗ​មួយចំនួន​ដូចជា​មេ​ឈ្មួញ​ឈ្មោះ​ពៅ​ជា​មន្ត្រី​នគរបាល​ក្នុង​ខេត្ត​ត្បូងឃ្មុំ កំពុង​បង្កើន​សកម្មភាព​ដឹកជញ្ជូន​ឈើ​ចេញ​ទៅ​ស្រុក​យួន​តាម​ច្រករបៀង​និង​ច្រកព្រំដែន​ក្នុង​ស្រុក​មេមត់ ខេត្ត​ត្បូងឃ្មុំ​ទាំង​ថ្ងៃ​ទាំង​យប់​។ ប្រការ​នេះ​បង្ហាញ​យ៉ាងច្បាស់​ថា​បទបញ្ជា ក្នុង​ការទប់ស្កាត់​បទ​ល្មើស​រត់ពន្ធ​ឈើ​ចេញ​ក្រៅ​ប្រទេស​គឺ​ជា​រឿង​ឥតន័យ ព្រោះ​ឈ្មួញ​ជាច្រើន​នាក់​នៅ​តែ​បន្ត​សកម្មភាព​ដឹកជញ្ជូន​ឈើ​ប្រណីត​ចេញ​ទៅ​ស្រុក​យួន​តាម​ច្រករបៀង​និង​ច្រកព្រំដែន​ក្នុង​ស្រុក​មេមត់ ដោយសារ​មាន​ការឃុបឃិត​បើកដៃ​ពី​សំណាក់​លោក​គឹម​ឈុនលី​មេ​រដ្ឋបាល​ព្រៃឈើ​ខេត្ត​ត្បូងឃ្មុំ​បាន​កំពុង​សប្បាយចិត្ត​ប្រមូល​លុយ​រៀងរាល់ថ្ងៃ​ផងដែរ​៕

 

vengsakhon woodcar1 kimli

woodcar2

Filed in: ព័ត៌មានសំខាន់, សូមរាយការណ៍
© 2019 រាជាធិបតេយ្យ. All rights reserved. XHTML / CSS Valid.