ចាងហ្វាងការផ្សាយ គឹម មនោ និពន្ធនាយក នាង សុផល​ / ការិយាល័យនិពន្ធ ៖ 012 95 43 55 | 016 75 69 87
ព័ត៌មាន​ថ្មី
- អំណោយ​មនុស្សធម៌​ពី​កាកបាទ​ ​ក្រហម​កម្ពុជា​ខេត្ត​មណ្ឌល​គី​រី​ជួយឧបត្ថម្ភ​ដល់​ពលរដ្ឋ​ចំនួន​ ១៩៦​គ្រួសារ រងគ្រោះ​ដោយ​ជំនន់​ទឹកភ្លៀង​..!! - ពិធី​ប្រកាស​ចូល​កាន់តំណែង​នាយក​ប្រតិបត្តិ​សាខា ក្រោម​អធិបតីភាព លោកជំទាវ ពុំ ចន្ទី​នី អគ្គលេខាធិការ​កាកបាទ​ក្រហម​កម្ពុជា​ - រដ្ឋបាល​ក្រុង​ស្វាយរៀង​បាន​បើក​កិច្ចប្រជុំ​សាមញ្ញ​លើក​ទី​០៣ អាណត្តិ​ទី​០៣ របស់​ក្រុមប្រឹក្សា​ក្រុង​ស្វាយរៀង​..!! - លោកជំទាវ ម៉ែន នារី​សោ​ភ័គ អគ្គលេខាធិការរង​ទី ១ កាកបាទក្រហមកម្ពុជា បាន​ទទួល​ជួប​សវនាការ និង​ទទួល​អំណោយ​ជា​កាបូបស្ពាយ​ចំនួន ១០០ ពី​លោក ផា​ទ្រី​ក ស៊ូ (Mr. Patrick Su) ប្រធាន​ផ្នែក​ក្រុម​ប្រតិបត្តិ​សង្គម​នៃ​ក្រុមហ៊ុន ស្តា​រីត ខេ​ម​បូឌា​ - ​មេ​ឈ្មួញ​វៀតណាម​បំបែក​រឿង​មេ​គយ​កណ្ដាល​និង​ខេត្តតាកែវ អត់​បង់ពន្ធ​ឬ​បង់ពន្ធ​មិន​គ្រប់​ក្នុង​ការនាំ​ទំនិញ​ពី​វៀតណាម​...!! - ​ឧកញ៉ា គង់ ក្រឹ​ង ម្ចាស់​កសិដ្ឋាន​ចិញ្ចឹមសត្វ​គោ​ស្រុក​ស្នួល​ខេត្ត​ក្រចេះ​ត្រៀមខ្លួន ទៅ​បំភ្លឺ​ករណី​ចោទប្រកាន់​រឿង​ព្រៃឈើ​ - ឯកឧត្តម អ៊ុន ចាន់​ដា រៀបចំ​កន្លែង​ស្នាក់នៅ​ដោយ​ឥតគិតថ្លៃ សំរាប់​សិស្សានុសិស្ស ដែល​មក​ប្រលង​សញ្ញាបត្រ​មធ្យមសិក្សា​ទុតិយភូមិ - ឯកឧត្តម អភិបាលខេត្ត និង​ថ្នាក់ដឹកនាំ​មន្ទីរ​ជំនាញ​ពាក់ព័ន្ធ ទទួល​ស្វាគមន៍​គណៈប្រតិភូ​គណៈកម្មការ​ទី​៤ នៃ​ព្រឹទ្ធសភា - អាជ្ញាធរ​ខេត្ត​កំពត​ចុះសួរសុខទុក្ខ និង​នាំ​អំណោយ​ចែកជូន​ប្រជាពលរដ្ឋ​រងគ្រោះ​ដោយ​ទឹក​ជំនន់​នៅ​ស្រុក​ទឹកឈូ​ - ​លោក ម៉ែន វិបុល អភិបាល នៃ​គណៈ​អភិបាលខេត្ត​ស្វាយរៀង អញ្ជើញ​ពិនិត្យមើល​ការស្ថាបនា ច្រាំ​ទន្លេវ៉ៃ​គោ រៀបចំ​ប្រព័ន្ធ​លូបង្ហូរទឹក រៀបចំ​សួនច្បារ ការ៉ូឡា ពង្រីក​ផ្លូវ និង​រៀបចំ​កន្លែង​អង្គុយ​ទស្សនាការ​ប្រណាំងទូក​!

នាយក​ផ្នែក​លទ្ធកម្ម​កំពង់ផែ​ស្វយ័ត​ក្រុងព្រះសីហនុ​បាន​បំប៉ោង​ខ្ទង់ចំណាយ

ខេត្ត​កំពង់ឆ្នាំង ៖ ថ្មីៗ​នេះ​មាន​ក្រុម​ជនល្មើស​ប្រើ​គ្រឿងចក្រ​៥​គ្រឿង​ចូល​ទៅ​ឈូសឆាយ​ទន្ទ្រាន​កាន់កាប់​ដី​ព្រៃ​លិច​ទឹក​ជម្រក​ត្រី​ពង​កូន​យ៉ាង​គឃ្លើន ហើយ​គ្មាន​មន្ត្រី​អាជ្ញាធរ​ឬ​សមត្ថកិច្ច​ណា​ចាត់វិធានការ​ទប់ស្កាត់​ឡើយ​។​

​ប្រជាពលរដ្ឋ​រស់នៅ​ក្នុង​ឃុំ​ពាម​ឆ្កោក​ស្រុក​ជល​គិរី​ខេត្តកំពង់ឆ្នាំង​បានឲ្យដឹង​ថា​ដីព្រៃ​លិច​ទឹក​ក្នុង​តំបន់​៣​ដែល​ជា​តំបន់​ហាមឃាត់​នៅ​ចំណុច​ខាងកើត​ព្រៃធំ​និង​ខាងជើង​ព្រៃធំ កោះ​តា​វៀច​ស្រុក​ជល​គិរី រាប់សិប​ហិកតា​ត្រូវ​ក្រុម​ជនល្មើស​ទន្ទ្រាន​កាន់កាប់​ជា​កម្មសិទ្ធិ​យ៉ាង​ស្រួល​បែបនេះ​។
​លោក ហៃ មនោ​រម្យ អភិបាល​ស្រុក​ជល​គិរី គឺជា​អ្នក​ឃុបឃិត​ឲ្យមាន​បទល្មើស​ទន្ទ្រាន​កាន់កា​ប់​ដី​ព្រៃ​លិច​ទឹក​ក្នុង​ឃុំ​ពាម​ឆ្កោក ដើម្បី​ជា​ថ្នូរ​នឹង​ផលប្រយោជន៍​ហេតុនេះហើយ​ទើប​លោក​ហៃ​មនោ​រម្យ​មិន​ចាត់វិធានការ​បង្ក្រាប​ក្រុម​ជនល្មើស​ប្រកបដោយ​ប្រសិទ្ធភាព​នោះ​ទេ​។​

​មន្ត្រីរាជការ​នៅក្នុង​សាលា​ស្រុក​ជល​គិរី​មួយចំនួន​បាន​បង្ហើប​ឲ្យដឹងថា​៖​ករណី​បទល្មើស​ទន្ទ្រាន​កាន់កាប់​ដី​ព្រៃ​លិច​ទឹក​តំបន់​៣​ជម្រក​ត្រី​ពង​កូន​នៅក្នុង​ឃុំ​ពាម​ឆ្កោក គឺ​មាន​ការ​ឃុបឃិត​ជា​ប្រព័ន្ធ​តែម្តង​ទើប​អ្វីៗ​អាច​ប្រព្រឹត្ត​ទៅ​ដោយ​រលូន​។
​ក្នុងនោះ​នាយ​សង្កាត់​រដ្ឋបាល​ជល​ផល​នាយ​ផ្នែក​រដ្ឋបាល​ជលផល​និង​នាយ​ខណ្ឌ​រដ្ឋបាល​ជលផល​ក្នុង​ស្រុក​ជល​គិរី​ក៏ដូចជា​លោក​សោម​ភារុណ​នាយខ​ណ្ឌ​រដ្ឋបាលជល​ផល​ខេត្ត​កំពង់ឆ្នាំង ក៏​អាច​ជាប់​ពាក់ព័ន្ធ​នឹង​បទល្មើស​ផងដែរ ។​

​ប្រភព​បានឲ្យដឹង​ទៀត​ថា​ឈ្មោះ​ធឿន​និង​ឈ្មោះ​ភៀង គឺជា​អ្នក​រត់ការ​ជាមួយ​មន្ត្រី​អាជ្ញាធរ​មូលដ្ឋាន​ក៏​ដូច​ជា​មន្ត្រី​រដ្ឋបាល​ជ​ល​ផល ដើម្បី​បិទបាំង​សកម្មភាព​ប្រើ​គ្រឿងចក្រ​ទន្ទ្រាន​កាន់កាប់​ដី​ព្រៃ​លិច​ទឹក​នៅ​ក្នុង​ឃុំ​ពាម​ឆ្កោក ។

​ក្នុងនោះ លោក ហៃ មនោ​រម្យ អភិបាល​ស្រុក​ជល​គិរី គឺជា​អ្នកទទួលខុសត្រូវ​ធំ​ជាងគេ​ក្នុង​ខណៈ​ដែល​ព្រៃ​លិច​ទឹក​រាប់សិប​ហិកតា​ត្រូវ​ក្រុម​ជនល្មើស​ឈូសឆាយ​ទន្ទ្រាន​យក​ធ្វើជា​កម្មសិទ្ធិ​រួចទៅហើយ​ដែរ​។​

​ប្រជាពលរដ្ឋ​ក្នុង​ឃុំ​ពាម​ឆ្កោក​បាន​អះអាង​ថា​៖ ពេល​ឃើញ​ក្រុម​ជនល្មើស​ប្រើ​គ្រឿងចក្រ​ឈូសឆាយ​ទន្ទ្រាន​កាន់កាប់​ដី​ព្រៃ​លិច​ទឹក​ក្នុង​តំបន់ហាមឃាត់ គឺ​ពួកគាត់​រាយការណ៍​ទៅ​មន្ត្រី​អាជ្ញាធរ​ឃុំ​ពាម​ឆ្កោក​ក៏ដូចជា​លោក​ហៃ​មនោ​រម្យ​អភិបាល​ស្រុក​ជល​គិរី​ដើម្បីឲ្យ​ចាត់វិធានការ​ទប់ស្កាត់​បាន​ទាន់ពេល​វេលា​។

​ក៏​ប៉ុន្តែ​លោក ហៃ មនោ​រម្យ បែរ​ជា​សម្ងំស្ងៀម​ធ្វើ​មិនដឹងមិនឮ​អ្វី​ទាំងអស់ ហើយ​បណ្ដោយ​ឲ្យ​ក្រុម​ជនល្មើស​ប្រើ​គ្រឿងចក្រ​ឈូសឆាយ​ទន្ទ្រាន​កាន់កាប់​ដីព្រៃ​លិច​ទឹក​ក្នុង​តំបន់​៣ ជម្រក​ត្រី​ពង​កូន​អស់​រាប់​សិប​ហិកតា​យ៉ាង​ស្រួលៗ ។  សូម្បីតែ​លោក​ងិន​ហ៊ុន​ប្រធាន​មន្ទីរ​កសិកម្ម​ខេត្ត​កំពង់ឆ្នាំង ក៏​ធ្វើ​មិនដឹងមិនឮ​អ្វី​ដែរ​ក្នុង​ខណៈ​ដែល​ព្រៃ​លិច​ទឹក​ក្នុង​ឃុំ​ពាម​ឆ្កោក រង​ការបំផ្លាញ​យ៉ាង​ខ្លាំងក្លា​បំផុត​។

បញ្ហា​នេះ គឺជា​រឿង​ដែល​លោក វេង សាខុន រដ្ឋមន្ត្រី​ក្រសួង​កសិកម្ម និង​លោក អេង ជា​សាន អគ្គនាយក​រដ្ឋបាល​ជ​ល​ផល​មិន​គួរ​បណ្ដែតបណ្ដោយ​តទៅទៀត​ទេ​ក្នុង​ខណៈ​ដែល​ព្រៃ​លិច​ទឹក​រាប់រយ​ហិកតា​ក្នុង​ស្រុក​ជល​គិរី ត្រូវ​ក្រុម​ជនល្មើស​ឈូសឆាយ​ទន្ទ្រាន​កាន់កាប់​យក​ធ្វើជា​កម្មសិទ្ធិ​យ៉ាង​ស្រួលៗ​បែបនេះ​៕

 

haimono1 haimono2 haimono3

Filed in: ព័ត៌មានសំខាន់, សូមរាយការណ៍
© 2019 រាជាធិបតេយ្យ. All rights reserved. XHTML / CSS Valid.