ចាងហ្វាងការផ្សាយ គឹម មនោ និពន្ធនាយក នាង សុផល​ / ការិយាល័យនិពន្ធ ៖ 012 95 43 55 | 016 75 69 87
ព័ត៌មាន​ថ្មី
- អំណោយ​មនុស្សធម៌​ពី​កាកបាទ​ ​ក្រហម​កម្ពុជា​ខេត្ត​មណ្ឌល​គី​រី​ជួយឧបត្ថម្ភ​ដល់​ពលរដ្ឋ​ចំនួន​ ១៩៦​គ្រួសារ រងគ្រោះ​ដោយ​ជំនន់​ទឹកភ្លៀង​..!! - ពិធី​ប្រកាស​ចូល​កាន់តំណែង​នាយក​ប្រតិបត្តិ​សាខា ក្រោម​អធិបតីភាព លោកជំទាវ ពុំ ចន្ទី​នី អគ្គលេខាធិការ​កាកបាទ​ក្រហម​កម្ពុជា​ - រដ្ឋបាល​ក្រុង​ស្វាយរៀង​បាន​បើក​កិច្ចប្រជុំ​សាមញ្ញ​លើក​ទី​០៣ អាណត្តិ​ទី​០៣ របស់​ក្រុមប្រឹក្សា​ក្រុង​ស្វាយរៀង​..!! - លោកជំទាវ ម៉ែន នារី​សោ​ភ័គ អគ្គលេខាធិការរង​ទី ១ កាកបាទក្រហមកម្ពុជា បាន​ទទួល​ជួប​សវនាការ និង​ទទួល​អំណោយ​ជា​កាបូបស្ពាយ​ចំនួន ១០០ ពី​លោក ផា​ទ្រី​ក ស៊ូ (Mr. Patrick Su) ប្រធាន​ផ្នែក​ក្រុម​ប្រតិបត្តិ​សង្គម​នៃ​ក្រុមហ៊ុន ស្តា​រីត ខេ​ម​បូឌា​ - ​មេ​ឈ្មួញ​វៀតណាម​បំបែក​រឿង​មេ​គយ​កណ្ដាល​និង​ខេត្តតាកែវ អត់​បង់ពន្ធ​ឬ​បង់ពន្ធ​មិន​គ្រប់​ក្នុង​ការនាំ​ទំនិញ​ពី​វៀតណាម​...!! - ​ឧកញ៉ា គង់ ក្រឹ​ង ម្ចាស់​កសិដ្ឋាន​ចិញ្ចឹមសត្វ​គោ​ស្រុក​ស្នួល​ខេត្ត​ក្រចេះ​ត្រៀមខ្លួន ទៅ​បំភ្លឺ​ករណី​ចោទប្រកាន់​រឿង​ព្រៃឈើ​ - ឯកឧត្តម អ៊ុន ចាន់​ដា រៀបចំ​កន្លែង​ស្នាក់នៅ​ដោយ​ឥតគិតថ្លៃ សំរាប់​សិស្សានុសិស្ស ដែល​មក​ប្រលង​សញ្ញាបត្រ​មធ្យមសិក្សា​ទុតិយភូមិ - ឯកឧត្តម អភិបាលខេត្ត និង​ថ្នាក់ដឹកនាំ​មន្ទីរ​ជំនាញ​ពាក់ព័ន្ធ ទទួល​ស្វាគមន៍​គណៈប្រតិភូ​គណៈកម្មការ​ទី​៤ នៃ​ព្រឹទ្ធសភា - អាជ្ញាធរ​ខេត្ត​កំពត​ចុះសួរសុខទុក្ខ និង​នាំ​អំណោយ​ចែកជូន​ប្រជាពលរដ្ឋ​រងគ្រោះ​ដោយ​ទឹក​ជំនន់​នៅ​ស្រុក​ទឹកឈូ​ - ​លោក ម៉ែន វិបុល អភិបាល នៃ​គណៈ​អភិបាលខេត្ត​ស្វាយរៀង អញ្ជើញ​ពិនិត្យមើល​ការស្ថាបនា ច្រាំ​ទន្លេវ៉ៃ​គោ រៀបចំ​ប្រព័ន្ធ​លូបង្ហូរទឹក រៀបចំ​សួនច្បារ ការ៉ូឡា ពង្រីក​ផ្លូវ និង​រៀបចំ​កន្លែង​អង្គុយ​ទស្សនាការ​ប្រណាំងទូក​!

បទល្មើស​នេសាទ​កើនឡើង​យ៉ាង​ខ្លាំង​ក្នុង​ស្រុក​ជល​គិរី​ខេត្ត​កំពង់ឆ្នាំង​

ខេត្ត​កំពង់ឆ្នាំង ៖ នៅក្នុង​រដូវ​បិទ​នេសាទ​នេះ គឺ​បទល្មើស​នេសាទ​ប្រើ​ឧបករណ៍​ខុសច្បាប់​កំពុង​កើតឡើង​យ៉ាង​រាលដាល ហើយ​មិន​ទាន់​ឃើញ​មន្ត្រីរដ្ឋបាល​ជលផល​មន្ត្រីអាជ្ញាធរ និង​សមត្ថកិច្ច​ពាក់ព័ន្ធ​ចាត់វិធានការ​បង្ក្រាប​ប្រកបដោយ​ប្រសិទ្ធភាព​នៅឡើយ​ទេ​។

​ប្រភព​ពី​ប្រជាពលរដ្ឋ​នៅក្នុង​ឃុំ​ពាម​ឆ្កោក ស្រុក​ជល​គិរី ខេត្ត​កំពង់ឆ្នាំង បានឲ្យដឹងថា បទល្មើស​នេសាទ​ដាក់​លប​លូ​ស្បៃ​មុង​ចាប់​កូន​ត្រី​ល្អិតៗ កំពុង​កើតឡើង​យ៉ាង​អនាធិបតេយ្យ​ដោយ​គ្មាន​មន្ត្រីរដ្ឋបាល​ជលផល​និង​សមត្ថកិច្ច​ពាក់ព័ន្ធ​ចាត់វិធានការ​បង្ក្រាប​ទាល់តែសោះ បើ​ទោះបី​មាន​សេចក្ដីរាយការណ៍​ជា​បន្តបន្ទាប់​យ៉ាងណាក៏ដោយ​។

​លោក សោម ភារុណ នាយ​ខណ្ឌ​រដ្ឋបាល​ជល​ផល​ខេត្តកំពង់ឆ្នាំង​ក៏ដូចជា​លោក​ងិន​ហ៊ុន​ប្រធាន​មន្ទីរ​កសិកម្ម​ខេត្ត​កំពង់ឆ្នាំង បាន​រក្សា​ភាព​ស្ងៀមស្ងាត់​ក្នុង​ខណៈ​ដែល​បទល្មើស​នេសាទ​ប្រើ​ឧបករណ៍​ខុស​ច្បាប់​កំពុង​កើនឡើង ធ្វើឲ្យ​ធនធានមច្ឆជាតិ​ត្រូវ​ប្រឈម​នឹង​សេចក្ដី​វិនាស​។​

​សេចក្ដីរាយការណ៍​ពី​ប្រជាពលរដ្ឋ​នៅ​ភូមិ​ក្បាល​កន្លង់ ឃុំ​ពាម​ឆ្កោក​ស្រុក​ជល​គិរី បានឲ្យដឹង​ថា​បច្ចុប្បន្ន​បទល្មើស​ដាក់​របាំង​លប​លូ​ស្បៃ​មុង​ខុសច្បាប់​ចាប់​កូន​ត្រី​ល្អិតៗ​បាន​កើតឡើង​រាប់សិប​កន្លែង​នៅ​ចំណុច​ព្រែក​ធំ និង​ព្រែក​អញ្ចាញ ហើយ​គ្មាន​មន្ត្រីរដ្ឋបាល​ជលផល​និង​សមត្ថកិច្ច​ពាក់ព័ន្ធ​ណា​ចាត់វិធានការ​បង្ក្រាប​ប​ទ​ល្មើស​ឲ្យបាន​ទាន់​ពេលវេលា​នោះទេ​។​

​ប្រជា​នេសាទ​ជា​លក្ខណៈ​គ្រួសារ​បានឲ្យដឹងថា ក្នុង​មួយ​ថ្ងៃៗ​ឈ្មួញ​បាន​ប្រើប្រាស់​ឧបករណ៍​ដូច​ខាងលើ​នេះ​ចាប់​កូន​ត្រី​ល្អិតៗ​បាន​រាប់​តោន ហើយ​មេឃុំ​ពាម​ឆ្កោក​អភិបាល​ស្រុក​ជល​គិរី​និង​មន្ត្រី​រដ្ឋបាល​ជលផល​ប្រចាំ​តំបន់​នេះ​បែរជា​នាំគ្នា​សម្ងំស្ងៀម​ធ្វើ​មិនដឹងមិនឮ​អ្វី​ទាំងអស់​។

​ដោយសារ​មាន​ការឃុបឃិត​បើកដៃ​ពី​សំណាក់​មន្ត្រី​អាជ្ញាធរ​មូលដ្ឋាន​មន្ត្រីរដ្ឋបាល​ជលផល និង​សមត្ថកិច្ច​ពាក់ព័ន្ធ​ជាប្រចាំ​តែ​ម្តង​ទើប​ក្រុម​ឈ្មួញ​និង​ក្រុម​ជនល្មើស​អាច​ប្រើ​ឧបករណ៍​ខុសច្បាប់​ប្រភេទរ​បាំង​លប​លូ​ស្បៃ​មុង​ចាប់​កូន​ត្រី​ក្នុង​រដូវ​បិទ​នេសាទ ។​

មន្ត្រី​មន្ទីរ​កសិកម្ម​ខេត្ត​កំពង់ឆ្នាំង​ក៏​បានឲ្យ​ដឹង​ដែរ​ថា​លោក​សុង​សារឿន​នាយ​សង្កាត់​រដ្ឋបាល​ជល​ផល​ពាម​ឆ្កោក គឺជា​អ្នក​ឃុបឃិត​ឲ្យ​ក្រុម​ឈ្មួញ​និង​ក្រុម​ជនល្មើស​ប្រើ​ឧបករណ៍​ខុសច្បាប់​ចាប់​កូន​ត្រី​ល្អិតៗ​ក្នុង​រដូវ​បិទ​នេសាទ​ដើម្បី​ជា​ថ្នូរ​នឹង​ផលប្រយោជន៍​ដោយ​គ្មាន​ញញើត​អ្វី​ទាំងអស់​។

​ប្រការ​ដែល​លោក​សុង​សារឿន​នាយ​សង្កាត់​រដ្ឋបាល​ជល​ផល​ពាម​ឆ្កោក ហ៊ាន​ធ្វើ​អ្វីៗ​តាម​អំពើ​ចិត្ត​របស់​ខ្លួន​គឺ​មាន​ការឃុបឃិត​បើកដៃ​ពី​សំណាក់​លោក សោម​ភារុណ​នាយខ​ណ្ឌ​រដ្ឋបាលជល​ផល​ខេត្ត​កំពង់ឆ្នាំង ផង​ដែរ​ទើប​អ្វីៗ​អាច​ប្រព្រឹត្ត​ទៅ​ដោយ​រលូន​ធ្វើឲ្យ​ធនធានមច្ឆជាតិ​កំពុ​ង​ប្រឈម​នឹង​សេចក្ដី​វិនាស ៕

 

nesat kpch13 nesat kpch1 nesat kpch12

Filed in: ព័ត៌មានសំខាន់, សូមរាយការណ៍
© 2019 រាជាធិបតេយ្យ. All rights reserved. XHTML / CSS Valid.