ចាងហ្វាងការផ្សាយ គឹម មនោ និពន្ធនាយក នាង សុផល​ / ការិយាល័យនិពន្ធ ៖ 012 95 43 55 | 016 75 69 87
ព័ត៌មាន​ថ្មី
- អំណោយ​មនុស្សធម៌​ពី​កាកបាទ​ ​ក្រហម​កម្ពុជា​ខេត្ត​មណ្ឌល​គី​រី​ជួយឧបត្ថម្ភ​ដល់​ពលរដ្ឋ​ចំនួន​ ១៩៦​គ្រួសារ រងគ្រោះ​ដោយ​ជំនន់​ទឹកភ្លៀង​..!! - ពិធី​ប្រកាស​ចូល​កាន់តំណែង​នាយក​ប្រតិបត្តិ​សាខា ក្រោម​អធិបតីភាព លោកជំទាវ ពុំ ចន្ទី​នី អគ្គលេខាធិការ​កាកបាទ​ក្រហម​កម្ពុជា​ - រដ្ឋបាល​ក្រុង​ស្វាយរៀង​បាន​បើក​កិច្ចប្រជុំ​សាមញ្ញ​លើក​ទី​០៣ អាណត្តិ​ទី​០៣ របស់​ក្រុមប្រឹក្សា​ក្រុង​ស្វាយរៀង​..!! - លោកជំទាវ ម៉ែន នារី​សោ​ភ័គ អគ្គលេខាធិការរង​ទី ១ កាកបាទក្រហមកម្ពុជា បាន​ទទួល​ជួប​សវនាការ និង​ទទួល​អំណោយ​ជា​កាបូបស្ពាយ​ចំនួន ១០០ ពី​លោក ផា​ទ្រី​ក ស៊ូ (Mr. Patrick Su) ប្រធាន​ផ្នែក​ក្រុម​ប្រតិបត្តិ​សង្គម​នៃ​ក្រុមហ៊ុន ស្តា​រីត ខេ​ម​បូឌា​ - ​មេ​ឈ្មួញ​វៀតណាម​បំបែក​រឿង​មេ​គយ​កណ្ដាល​និង​ខេត្តតាកែវ អត់​បង់ពន្ធ​ឬ​បង់ពន្ធ​មិន​គ្រប់​ក្នុង​ការនាំ​ទំនិញ​ពី​វៀតណាម​...!! - ​ឧកញ៉ា គង់ ក្រឹ​ង ម្ចាស់​កសិដ្ឋាន​ចិញ្ចឹមសត្វ​គោ​ស្រុក​ស្នួល​ខេត្ត​ក្រចេះ​ត្រៀមខ្លួន ទៅ​បំភ្លឺ​ករណី​ចោទប្រកាន់​រឿង​ព្រៃឈើ​ - ឯកឧត្តម អ៊ុន ចាន់​ដា រៀបចំ​កន្លែង​ស្នាក់នៅ​ដោយ​ឥតគិតថ្លៃ សំរាប់​សិស្សានុសិស្ស ដែល​មក​ប្រលង​សញ្ញាបត្រ​មធ្យមសិក្សា​ទុតិយភូមិ - ឯកឧត្តម អភិបាលខេត្ត និង​ថ្នាក់ដឹកនាំ​មន្ទីរ​ជំនាញ​ពាក់ព័ន្ធ ទទួល​ស្វាគមន៍​គណៈប្រតិភូ​គណៈកម្មការ​ទី​៤ នៃ​ព្រឹទ្ធសភា - អាជ្ញាធរ​ខេត្ត​កំពត​ចុះសួរសុខទុក្ខ និង​នាំ​អំណោយ​ចែកជូន​ប្រជាពលរដ្ឋ​រងគ្រោះ​ដោយ​ទឹក​ជំនន់​នៅ​ស្រុក​ទឹកឈូ​ - ​លោក ម៉ែន វិបុល អភិបាល នៃ​គណៈ​អភិបាលខេត្ត​ស្វាយរៀង អញ្ជើញ​ពិនិត្យមើល​ការស្ថាបនា ច្រាំ​ទន្លេវ៉ៃ​គោ រៀបចំ​ប្រព័ន្ធ​លូបង្ហូរទឹក រៀបចំ​សួនច្បារ ការ៉ូឡា ពង្រីក​ផ្លូវ និង​រៀបចំ​កន្លែង​អង្គុយ​ទស្សនាការ​ប្រណាំងទូក​!

លោក​ប៊ុន​សេង​មេបញ្ជាការ​យោធា​យោធភូមិភាគ​៥​បណ្ដោយ​ឲ្យ​កូនចៅ​ក្រោម​ឱវាទ​ប្រព្រឹត្ត​អំពើ​ល្មើស​ច្បាប់​

ខេត្ត​បន្ទាយមានជ័យ ​៖ ​ប្រការ​ដែល​លោក​ឧត្តមសេនីយ៍ត្រី​ឃួន​ជឿន​មេបញ្ជាការ​វរ​ការពា​រ​ព្រំដែន​លេខ​៥០៣ ហ៊ាន​ធ្វើ​អ្វីៗ​តាម​អំពើ​ចិត្ត​ទាក់ទង​ទៅនឹង​ការបើក​ច្រករបៀង​គឺ​ដោយសា​រអាង​មាន​លោក​ឧត្តមសេនីយ៍ឯក​ប៊ុនសេង​មេបញ្ជាការ​យោធា​យោធភូមិភាគ​៥ ជា​ខ្នងបង្អែក​ដ៏​រឹងមាំ​។

​តាម​ការ​បង្ហើប​ពី​នាយទាហាន​និង​ពលទាហាន​ក្នុង​អង្គភាព​វរ​ការពារ​ព្រំដែន​លេខ​៥០៣ មួយចំនួន​បានឲ្យដឹង​ថា​ប្រសិនបើ​គ្មាន​ការឃុបឃិត​បើកដៃ​ពី​សំណាក់​លោក​ប៊ុន​សេង​ដែល​ជា​ចៅហ្វាយនាយ​ទេ​នោះ​គឺ​លោក​ឃួន​ជឿន​មេបញ្ជាការ​យោធា​វរ​ការពារ​ព្រំដែន​លេខ​៥០៣ ក៏​មិន​ហ៊ាន​ធ្វើ​អ្វីៗ​ស្រេច​តែ​អំពើ​ចិត្ត​ដូច​សព្វថ្ងៃ​នេះ​ដែរ​។ ជាក់ស្ដែង​តាម​ខ្សែ​ព្រំដែន​ក្នុង​ខេត្ត​បន្ទាយមានជ័យ​ដែល​គ្រប់គ្រង​ដោយ​អង្គភាព​យោធា​វរ​ការពារ​ព្រំដែន​លេខ​៥០៣ កំពុង​កើតមាន​ច្រករបៀង​និង​បទល្មើស​ឆ្លងដែន​យ៉ាង​ច្រើន​ហើយ​មន្ត្រី​អាជ្ញាធរ​និង​សមត្ថកិច្ច​ក្នុង​ខេត្ត​បន្ទាយមានជ័យ មិន​ហ៊ាន​ចាត់វិធានការ​ទប់ស្កាត់​នោះឡើយ​។​

​ប្រភពពី​ប្រជាពលរដ្ឋ​រស់នៅ​តាម​តំបន់​ព្រំដែន​ក្នុង​ឃុំ​អូរ​បី​ជាន់ ស្រុក​អូរជ្រៅ​ខេត្ត​បន្ទាយមានជ័យ​បានឲ្យដឹង​ថា​ច្រករបៀ​ង​អូរ​បី​ជាន់ ដែល​ស្ថិតនៅក្រោម​ការគ្រប់គ្រង​របស់​យោធា​វរ​ការពារ​ព្រំដែន​លេខ​៥០៣ នៅតែ​ត្រូវបាន​ក្រុម​ឈ្មួញ​ប្រើប្រាស់​សម្រាប់​នាំ​ចូល​ទំនិញគេចពន្ធ​ទំនិញ​ខុស​ច្បាប់​តាម​អំពើ​ចិត្ត​។ ទន្ទឹមនឹងនេះ​ច្រករបៀង​ចំការ​គ ក្នុង​ឃុំ​ស្លក្រាម​ស្រុក​ស្វាយចេក​ដែល​ស្ថិត​ក្រោម​ការគ្រប់គ្រងរ​បស់​យោធា​វរ​ការពារ​ព្រំដែន​លេខ​៥០៣ ក៏​នៅតែ​កើតមាន​ករណី​ឈ្មួញ​នាំចូល​ទំនិញគេចពន្ធ​និង​ទំនិញ​ខុស​ច្បាប់​ដែរ​។ មានន័យថា​លោក​ឧត្តមសេនីយ៍ ឃួន​ជឿន​មេបញ្ជាការ​យោធា​វរ​ការពារ​ព្រំដែន​លេខ​៥០៣ មិន​ខ្វល់​ពី​បទ​បញ្ជា​របស់​ថ្នាក់ដឹកនាំ​ក្រសួង​មហាផ្ទៃ​ក្នុង​ការបិទ​ច្រករបៀង​ទាំងស្រុង​នោះទេ ហើយ​នៅតែ​ឃុបឃិត​ឲ្យកម្លាំង​យោធា​ក្រោម​ឱវាទ​ធ្វើ​អ្វីៗ​តាម​អំពើ​ចិត្ត​។​

​ប្រភព​ពី​មន្ត្រី​អាជ្ញាធរ​និង​សមត្ថកិច្ច​មូលដ្ឋាន​ក្នុង​ឃុំ​អូរ​បី​ជាន់ ស្រុក​អូរជ្រៅ​បានឲ្យដឹងថា ទំនិញ​ដែល​ឈ្មួញ​នាំ​ចូល​តាម​ច្រករបៀង​អូរ​បី​ជាន់​យ៉ាង​ពេញបន្ទុក​មានដូចជា ភេសជ្ជៈ​ច្រើន​ប្រភេទ​ជ្រូក​មាន់​ទា​និង​គោ​ក្របី​ជាដើម ព្រោះ​គ្មាន​មន្ត្រី​ជំនាញ​ឬ​សមត្ថកិច្ច​ពាក់ព័ន្ធ​ណា​ចាត់វិធានការ​ទប់ស្កាត់​ឡើយ​។ សូម្បី​តែ​ម៉ូតូ​ទំនើបៗ​គេចពន្ធ​ក៏​ដូចជា​រថយន្ត​ចង្កូត​ស្ដាំ​ក៏ត្រូវ​ឈ្មួញ​នាំ​ចូល​តាម​ច្រករបៀង​អូរ​បី​ជាន់ និង​តំបន់​ក្បែរៗ​នោះ​យ៉ាង​ពេញបន្ទុក​ព្រោះ​មានការ​ឃុបឃិត​ជា​ប្រព័ន្ធ​តែម្តង​។ ប្រការ​ដែល​លោក​ឃួន​ជឿន​មេបញ្ជាការ​យោធា​វរ​ការពារ​ព្រំដែន​លេខ​៥០៣ ហ៊ាន​ធ្វើ​អ្វីៗ​តាម​អំពើ​ចិត្ត​គឺ​ដោយសា​រអាង​មាន​លោក​ប៊ុន​សេង​មេបញ្ជាការ​យោធា​យោធភូមិ​ភាគ​៥ គឺជា​ខ្នងបង្អែក​យ៉ាងរឹងមាំ​។​

​ប្រភពពី​ប្រជាពលរដ្ឋ​រស់នៅ​តាម​តំបន់​ព្រំដែន​ខ្មែរ​-​សៀម​ក្នុងស្រុក​ស្វាយចេក​ខេត្ត​បន្ទាយមានជ័យ​បានឲ្យដឹង​ថា​បច្ចុប្បន្ន​ច្រករបៀង​ចំការគ នៅតែ​កើតមាន​ករណី​ឈ្មួញ​នាំ​ចូល​ទំនិញគេចពន្ធ​ទំនិញ​ខុស​ច្បាប់​ដដែល​។

​តាមរយៈ​ការឃុបឃិត​បើកដៃ​ឲ្យ​មន្ត្រី​ក្រោម​ឱវាទ​ធ្វើ​អ្វីៗ​តាម​អំពើ​ចិត្ត គឺ​លោក​ឃួន​ជឿន​អាច​ប្រមូល​លុយ​បាន​យ៉ាងច្រើន​ក្នុង​មួយខែៗ ហើយក៏​អាច​មាន​ការបែងចែក​មួ​យ​ផ្នែក​ណា​នោះ​ទៅ​ថ្នាក់លើ​ផង​ដែរ​ទើប​អ្វីៗ​អាច​ប្រព្រឹត្ត​ទៅ​ដោយ​ស្រួល​បែបនេះ​។ ដូច្នេះហើយ​ទើប​មាន​ការអំពាវនាវ​ឲ្យ​ក្រសួង​និង​ស្ថាប័ន​ពាក់ព័ន្ធ​ពិនិត្យមើល​បញ្ហា​ខាងលើ​នេះ​ផង ព្រោះ​មន្ត្រី​អាជ្ញាធរ​និង​សមត្ថកិច្ច​ខេត្ត​បន្ទាយមានជ័យ មិន​យកចិត្តទុកដាក់​អនុវត្តន៍​តាម​បទបញ្ជា​របស់​ថ្នាក់ដឹកនាំ​ក្រសួង​មហាផ្ទៃ​ឡើយ ហើយ​នៅតែ​បណ្ដែតបណ្ដោយ​ឲ្យ​ច្រករបៀង​ច្រើន​កន្លែង​បន្ត​សកម្មភាព​យ៉ាង​ស្រួល​ដដែល​៕

 

bunseng khuan choeun

Filed in: ព័ត៌មានជាតិ, ព័ត៌មានសំខាន់, សូមរាយការណ៍
© 2019 រាជាធិបតេយ្យ. All rights reserved. XHTML / CSS Valid.