ចាងហ្វាងការផ្សាយ គឹម មនោ Tel: 017 78 67 88 និពន្ធនាយក នាង សុផល​ / ការិយាល័យនិពន្ធ ៖ Tel: 085 23 77 23 | 016 75 69 87
ព័ត៌មាន​ថ្មី
- សម្តេច​តេជោ ហ៊ុន សែន អញ្ជើញ​ដឹកនាំ​គណៈប្រតិភូ​ជាន់ខ្ពស់​កម្ពុជា ទៅ​បំពេញ​ទស្សនកិច្ច​នៅ​ប្រទេស​ចំនួន​បី​នៅ​តំបន់​អឺរ៉ុប​ - ករណី​រំលោភ​យក​ដី​ផ្លូវ​សង់​សំណង់​រឹងមាំ​របស់​ជនខិលខូច​អាជ្ញាធរ​ក្រុង​ប៉ោយប៉ែ​ត​មិន​ចាត់ការ​តាម​ផ្លូវច្បាប់​ទើប​បញ្ហារ​ទំនាស់​នៅតែ​កើតមាន​រហូត​...!! - ឯកឧត្តម​អគ្គ​បិណ្ឌ​ត​សភា​ចារ្យ អូន ពន្ធ័មុនីរ័ត្ន​បានរៀបចំ​ពិធី​ដាំ​ដើម​ក្រវ៉ាន់​និមិត្តរូប​ចំនួន​៥០០​ដើម ​នៅមុខ​ប្រាសាទ​អង្គ​វត្ត​...!! - រដ្ឋបាល​ខណ្ឌដូនពេញ ត្រូវ​បាន​ពិនិត្យ​និង​វាយតម្លៃ​ជា​បេក្ខភាព​ក្នុង​ការប្រឡងប្រណាំង​ទីក្រុង​ទេសចរណ៍​ស្អាត​អាស៊ាន​លើ​ក​ទី​២..!! - សម្តេច​អគ្គមហាសេនាបតី​តេជោ ហ៊ុន សែន អញ្ជើញ​ទៅ​បំពេញ​ទស្សនកិច្ច​នៅ​ប្រទេស​វៀតណាម - សម្ដេច​តេជោ ហ៊ុន សែន និង​សម្តេច​កិតិ្ត​ព្រឹទ្ធ​បណ្ឌិត អញ្ជើញ​កាន់បិណ្ឌ​ទី​៩​នៅ​វត្ត​ចំពុះក្អែក​ - លោក​ឃួង ស្រេង​ណែនាំ​ឲ្យកម្លាំង​សមត្ថកិច្ច​និង​អាជ្ញាធរ​ដែនដី​គ្រប់​ខណ្ឌ​សង្កាត់​ត្រូវ​ពង្រឹង​ការរៀបចំ​ការពារ​សន្តិ​សុខ​សណ្តាប់ធ្នាប់​នៅ​គ្រប់​វត្ត​អារាម​ទូទាំង​រាជធានី​ភ្នំពេញ​...!! - បទល្មើសរ​បាំង​លប​ក្នុង​និង​ក្រៅ​តំបន់​អភិរក្ស​រដូវ​បិទ​នេសាទ​កក្រើក​ផ្ទៃ​ទឹក​ឃុំ​ផ្លូវ​ទូក​ស្រុក​កំពង់លែង​ខេត្ត​កំពង់ឆ្នាំង​ - អនុមោទនា​បុណ្យ​គឺជា​ថ្ងៃ​កាន់បិណ្ឌ​ទី​១ - ឯកឧត្តម ឃួ​ង ស្រេង ប្រធាន​គណៈកម្មាធិការ​សាខា​កា​បាទ​ក្រហម​កម្ពុជា​រាជធានី​ភ្នំពេញ ចុះ​តាមដាន​ស្ថានភាព​នៃ​ការបាក់​ច្រាំងទន្លេ​នៅ ភូមិសាស្ត្រ​សង្កាត់​កោះ​ដាច់ និង​សង្កាត់​ព្រែកលាប​

​ប្រភព​ចំណូល​របស់​មេ​បញ្ជាការ​យោធា​យោធភូមិភាគ​៥​បានមក​ពី​ច្រករបៀង​អូរ​បី​ជាន់ និង​ច្រករបៀង​ណង​ចាន់

​បច្ចុប្បន្ន​ច្រករបៀង​អូរ​បី​ជាន់ និង​ច្រករបៀង​ណង​ចាន់ ដែល​ស្ថិត​ក្រោម​ការគ្រប់គ្រងរ​បស់​អង្គភាព​យោធា​វរ​ការពារ​ព្រំដែន​លេខ​៥០៣ ដែល​មាន​លោក​ឧត្តមសេនីយ៍ត្រី​ឃួន​ជឿន​ជា​មេបញ្ជាការនៅ​តែបើក​ដំណើរការយ៉ាង​រលូន​។ តាម​ប្រភព​ពី​មន្ត្រី​អាជ្ញាធរ​និង​សមត្ថកិច្ច​ឃុំ​អូរ​បី​ជាន់ ស្រុក​អូរជ្រៅ​ខេត្ត​បន្ទាយមានជ័យ​បានឲ្យដឹង​ថា​ប្រការ​ដែល​លោក​ឃួន​ជឿន​មេបញ្ជាការ​យោធា​អង្គភាព​វរ​ការពារ​ព្រំដែន​លេខ​៥០៣ ចំណុះ​យោធភូមិភាគ​៥ ហ៊ាន​ធ្វើ​អ្វីៗ​តាម​អំពើ​ចិត្ត​គឺ​មាន​ការឃុបឃិត​បើកដៃ​ពី​សំណាក់​លោក​ឧត្តមសេនីយ៍ឯក ប៊ុន​សេង​មេបញ្ជាការ​យោធា​យោធភូមិ​ភាគ​៥​ផង​ដែរ​ទើប​អ្វីៗ​អាច​ប្រព្រឹត្ត​ទៅ​ដោយ​ស្រួល​។ មានន័យ​ថា​ច្រករបៀង​អូរ​បី​ជាន់ និង​ច្រករបៀង​ណង​ចាន់ គឺជា​ប្រភព​ចំណូល​ដ៏​សំខាន់​របស់​មេ​បញ្ជាការ​យោធា​យោធភូមិភាគ​៥ ទើប​ឈ្មួញ​អាច​នាំ​ចូល​ទំនិញគេចពន្ធ​ទំនិញ​ខុស​ច្បាប់​តាម​ច្រក​នេះ​ស្រេច​តែ​អំពើ​ចិត្ត​។​

​ប្រជាពលរដ្ឋ​រស់នៅ​ក្នុង​ឃុំ​អូរ​បី​ជាន់ ក្បែរ​ច្រករបៀង​អូរ​បី​ជាន់ បានឲ្យដឹងថា បច្ចុប្បន្ន​មន្ត្រី​យោធា​ប្រចាំ​ច្រករបៀង​មួយ​នេះ​នៅតែ​បន្ត​បើកដៃ​ឲ្យ​ឈ្មួញ​នាំ​ចូល​ទំនិញគេចពន្ធ ទំនិញ​ខុសច្បាប់​កាន់តែ​ច្រើនឡើងៗ ។​ឈ្មួញ​មួយចំនួន​អាច​នាំ​ចូល​គោក្របី​មាន់​ទា​និង​ពពែ​ពី​ទឹកដី​សៀម​តាម​ច្រករបៀង​អូរ​បី​ជាន់​យ៉ាង​ពេញបន្ទុក ព្រោះ​មាន​ការឃុបឃិត​បើកដៃ​ពី​សំណាក់​សមត្ថកិច្ច​យោធា​ប្រចាំ​ច្រករបៀង​មួយ​នេះ​តែម្តង​។ ការ​ដែល​ឈ្មួញ​នាំចូល​ទំនិញគេចពន្ធ​ទំនិញ​ខុសច្បាប់​ក៏ដូចជា​គោក្របី​ជ្រូក​មាន់​ទា​ពពែ តាម​ច្រករបៀង​អូរ​បី​ជាន់​យ៉ាង​គគ្រឹកគគ្រេង​គឺជា​មូលហេតុ​ដែល​ធ្វើ​ឲ្យ​រដ្ឋ​ត្រូវ​ខាតបង់​ចំណូល​ពន្ធ​យ៉ាងច្រើន​សន្ធឹកសន្ធាប់​ក្នុង​មួយខែៗ​។​

​ចំណែក​ប្រជាពលរដ្ឋ​ដែល​រស់នៅ​ក្បែរ​ច្រករបៀង​ណង​ចាន់ ឃុំ​អូរ​បី​ជាន់ ស្រុក​អូរជ្រៅ​ខេត្ត​បន្ទាយមានជ័យ ក៏​បានឲ្យ​ដឹង​ដែរ​ថា​មន្ត្រី​យោធា​ប្រចាំ​ច្រករបៀង​មួយ​នេះ​នៅតែ​ឃុបឃិត​បើកដៃ​ឲ្យ​ឈ្មួញ​នាំ​ចូល​ទំនិញ​គេច​ពន្ធ និង​ទំនិញ​ខុសច្បាប់ ហើយក៏​មាន​ករណី​បើកដៃ​ឲ្យ​ពលរដ្ឋ​ខ្មែរ​ឆ្លងដែន​ខុស​ច្បាប់​ចូល​ទឹកដី​សៀម​ផងដែរ​។ ប្រភព​ខ្លះ​បានឲ្យដឹង​ថា​ដោយសារតែ​ច្រករបៀង​អូរ​បីជាន់ និង​ច្រករបៀង​ណង​ចាន់ ក្នុង​ឃុំ​អូរ​បី​ជាន់ ស្រុក​អូរជ្រៅ​ខេត្ត​បន្ទាយមានជ័យ​គឺ​ជា​ប្រភព​ចំណូល​ដ៏​សំខាន់​របស់​លោក​ឧត្តមសេនីយ៍ឯក​ប៊ុនសេង​មេបញ្ជាការ​យោធា​យោធភូមិភាគ​៥ ទើប​ច្រករបៀង​ទាំង​២​កន្លែង​នេះ​នៅតែ​ដំណើរការ​យ៉ាង​សុខ​ស្រួល​បំផុត​៕

 

bunseng obeichan1-(3) obeichan1-(4) obeichan2

Filed in: ព័ត៌មានជាតិ, ព័ត៌មានសំខាន់, សូមរាយការណ៍
© 2019 រាជាធិបតេយ្យ. All rights reserved. XHTML / CSS Valid.